தவறவிடாதீர்கள்..!உடனே பதிவு செய்யுங்கள்

காங்கேசன்துறையிலிருந்து கொழும்பு நோக்கி நேற்று ஞாயிற்றுக்கிழமை (நவ 6) இரவு பயணித்த இரவு தபால் ரயிலின் உறங்கும்  பெட்டிகளுக்கு பொறுப்பாகவிருந்த ரயில்வே ஊழியர் ஒருவர் மதுபோதையில் காணப்பட்ட நிலையில் அநுராதபுரம் ரயில்வே பாதுகாப்பு அதிகாரிகளினால் கைதுசெய்யப்பட்டுள்ளார்.

குறித்த ரயில்வே ஊழியர் மது அருந்தியிருந்தமை தொடர்பில் ரயிலின் பிரதான கட்டுப்பாட்டாளரினால் அநுராதபுரம் ரயில்வே கட்டுப்பாட்டு அலுவலகத்துக்கு அறிவிக்கப்பட்டதையடுத்தே அநுராதபுரம் ரயில் நிலையத்தில் வைத்து அவர் கைதுசெய்யப்பட்டுள்ளார்.

இதன்போது குறித்த ரயில்வே ஊழியரின் வாயிலிருந்து மதுபான வாசனை வீசியதாக அதிகாரிகள் தெரிவித்துள்ளனர்.

இதனையடுத்து அநுராதபுரம் பொலிஸாரிடம் ஒப்படைக்கப்பட்ட அந்த ரயில்வே ஊழியரை அநுராதபுரம் சட்ட வைத்தியரிடம் அழைத்துச் சென்று பரிசோதித்ததில், அவர் மதுபோதையில் இருந்தமை உறுதிப்படுத்தப்பட்டதாக ரயில்வே திணைக்களம் தெரிவித்துள்ளது.