தவறவிடாதீர்கள்..!உடனே பதிவு செய்யுங்கள்

தளபதி விஜய் நடிப்பில் தயாராகி வரும் 'வாரிசு' படத்தில் இடம்பெறும் ஒரு பாடலுக்கான குறு முன்னோட்டம் இன்று மாலை வெளியாகும் என அதிகாரப்பூர்வமாக அறிவிக்கப்பட்டிருக்கிறது.

'தோழா' படத்தை இயக்கிய இயக்குநர் வம்சி பைடியபள்ளி இயக்கத்தில் தயாராகி வரும் புதிய தமிழ் திரைப்படம் 'வாரிசு'. இந்த படத்தில் தளபதி விஜய் கதையின் நாயகனாக நடிக்க, அவருக்கு ஜோடியாக நடிகை பூஜா ஹெக்டே நடித்திருக்கிறார். இவர்களுடன் பிரபு, ஜெயசுதா, ஸ்ரீகாந்த் உள்ளிட்ட தமிழ் மற்றும் தெலுங்கு திரை உலகின் முன்னணி நட்சத்திர நடிகர்கள் பலர் நடித்திருக்கிறார்கள். கார்த்திக் பழனி ஒளிப்பதிவு செய்திருக்கும் இந்த படத்திற்கு எஸ். தமன் இசையமைத்திருக்கிறார்.

'வாரிசு' படத்தின் புதிய தகவல்களுக்காக விஜயின் ரசிகர்கள் ஆவலுடன் காத்திருந்தனர். அவர்களுக்கு இப்படத்தின் இசையமைப்பாளர் தமன், 'தீபாவளிக்கு விருந்து உண்டு' என சூசகமாக தெரிவித்திருந்தார். ஆனால் தீபாவளிக்கு விஜயின் வாரிசு படத்தின் புதிய போஸ்டர்கள் வெளியாகின. இந்நிலையில் 'வாரிசு' திரைப்படத்தில் இடம் பெறும் ஒரு பாடலுக்கான குறு முன்னோட்டம் இன்று மாலை 6:30 மணி அளவில் வெளியாகும் என அதிகாரப்பூர்வமாக அறிவிக்கப்பட்டிருக்கிறது.

பொங்கல் திருவிழா விடுமுறையில் வெளியாகவிருக்கும் விஜயின் 'வாரிசு' திரைப்படத்தில் இடம் பெறும் சிங்கிள் ட்ராக்கிற்கான ப்ரோமோ இன்று வெளியாவதால் ரசிகர்கள் உற்சாகமடைந்திருக்கிறார்கள்.