தவறவிடாதீர்கள்..!உடனே பதிவு செய்யுங்கள்

இம்மாத இறுதியில் சீனாவிடமிருந்து இலங்கைக்கு டீசல் கிடைக்கும் என தான் நம்புவதாக மின்சக்தி மற்றும் எரிசக்தி அமைச்சர் காஞ்சன விஜேசேகர இன்று செவ்வாய்க்கிழமை (1) தெரிவித்தார்.

அபுதாபியில் தற்போது நடைபெறும் தொழில்துறை மாநாட்டில் கருத்து தெரிவிக்கும் போதே அமைச்சர் காஞ்சன விஜேசேகர இலங்கைக்கான சீனாவின் டீசல் விநியோகம் தொடர்பில் இந்த தகவலை வெளியிட்டார்.

இந்நிலையில், இலங்கையின் பின்தங்கிய பகுதிகளில் உள்ள விவசாயிகள், மீனவர்களின் வாழ்வாதாரத்தை மேம்படுத்துவதற்காக 10.6 மில்லியன் லீட்டர்  டீசல் சீனாவினால் அன்பளிப்பு செய்யப்பட்டுள்ளதாக இலங்கைக்கான சீனத் தூதரகம் தெரிவித்துள்ளமை குறிப்பிடத்தக்கது.

இவ்வாறு அன்பளிப்புச் செய்யபட்ட டீசல் தொகை நவம்பர் மற்றும் டிசம்பர் மாதங்களுக்கிடையில் கப்பலில் அனுப்பி வைக்கப்படுமெனவும் சீனத் தூதரகம் தெரிவித்துள்ளமைகுறிப்பிடத்தக்கது.