தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

சீனாவினால் நன்கொடையாக வழங்கப்பட்ட அத்தியாவசிய மருந்துகள் இரு விமானங்கள் ஊடாக இன்று வியாழக்கிழமை நாட்டை வந்தடைந்தன. 

சீனா நன்கொடையாக வழங்கியுள்ள இந்த மருந்துகளின் பெருமதி 1.8 பில்லியன் ரூபாய் என கொழும்பில் உள்ள சீன தூதரகம் தெரிவித்துள்ளது.

கடந்த ஜூன் மற்றும் செப்டம்பர் மாதங்களில் சீனா 1.2 பில்லியன் பெறுமதியான மருந்துகளை இலங்கைக்கு வழங்கியதாகவும் சீன தூதரகம் தெரிவித்துள்ளது. 

இந்நிலையில் இன்று  நாட்டை வந்தடைந்தவற்றில் மருந்துகள் மற்றும் மருத்துவ உபகரணங்கள் பலவும் உள்ளடங்குவதாகத் தெரிவிக்கப்பட்டுள்ளது.

இதேவேளை , 12, 500 மெட்ரிக் தொன் யூரியா உரத்தை ஏற்றிய கப்பல், நாட்டை வந்தடைந்துள்ளதாக விவசாய அமைச்சு தெரிவித்துள்ளது. குறித்த கப்பல் சீனாவிலிருந்து வருகை தந்துள்ளதாக விவசாய அமைச்சு மேலும் தெரிவித்துள்ளது.

கப்பலில் இருந்து உரத்தை இறக்கும் பணிகள் நேற்று வியாழக்கிழமை காலை ஆரம்பிக்கப்பட்டது. 

உலக வங்கியின் நிதியுதவியின் கீழ் குறித்த உரம் நாட்டிற்கு கொண்டுவரப்பட்டுள்ளது. இதனை அம்பாறை மற்றும் மட்டக்களப்பு மாவட்டங்களை சேர்ந்த விவசாயிகளுக்கு வழங்க திட்டமிட்டுள்ளதாக விவசாய அமைச்சு தெரிவித்துள்ளமை குறிப்பிடத்தக்கது.