தவறவிடாதீர்கள்..!உடனே பதிவு செய்யுங்கள்

யாழ்ப்பாணம் நகரை அண்டிய பகுதியில் மனித பாவனைக்கு உதவாத பெருந்தொகையான புளி பொதியிடப்பட்டுக்கொண்டிருந்த களஞ்சியசாலையொன்று பொது சுகாதார பரிசோதகரால் முற்றுகையிடப்பட்டு 6 ஆயிரம் கிலோ புளி மீட்கப்பட்டுள்ளது. 

யாழ். நகரை அண்டிய பகுதியில் உள்ள களஞ்சியசாலையொன்றில் சுகாதாரமற்ற முறையில் பாவனைக்கு உதவாத புளி பொதியிடப்படுவதாக யாழ். மாநகர பொது சுகாதார பரிசோதகருக்கு கடந்த செவ்வாய்க்கிழமை (ஒக் 25) இரகசிய தகவல் கிடைக்கப்பெற்றது. 

அதனையடுத்து சம்பவ இடத்துக்கு விரைந்த பொது சுகாதார பரிசோதகர், பாவனைக்கு உதவாத, சுகாதாரமற்ற முறையில் சேமிக்கப்பட்டு, பழப்புளி பொதியிடப்பட்டுக்கொண்டிருந்த 6 ஆயிரம் கிலோ பழப்புளியை மீட்டுள்ளார். 

இச்சம்பவம் தொடர்பில் உரிமையாளருக்கு எதிராக நீதிமன்றில் வழக்கு தொடர்வதற்கான நடவடிக்கைகள் முன்னெடுக்கப்பட்டு வருகின்றன.