தவறவிடாதீர்கள்..!உடனே பதிவு செய்யுங்கள்

'மலையக கல்வி மையம்' மற்றும் 'இலங்கை இந்திய சமுதாயப் பேரவை'யின் அனுசரணையில் மாணவர்களின் எதிர்கால தொழில்முறைக்கான நெறிப்படுத்தல் நிகழ்வொன்று எதிர்வரும் 30 ஆம் திகதி ஞாயிற்றுக்கிழமை ஹட்டன் குடாஓயா பிரதேசத்தில் அமைந்துள்ள 'செளந்தரியம்' கட்டடத் தொகுதியில் இடம்பெற ஏற்பாடாகியுள்ளது. 

'செளந்தரியம்' கட்டடத்தையும் மேற்படி அமைப்பே நிர்மாணித்துக் கொடுத்துள்ளமை குறிப்பிடத்தக்கதாகும். 

ஹட்டன், கொட்டகலை மற்றும் தலவாக்கலை ஆகிய பிரதேசங்களை உள்ளடக்கிய வகையில் கல்விப் பொதுத் தராதர சாதாரண தரம் மற்றும் உயர்தரப் பரீட்சைகளை நிறைவு செய்த மாணவர்கள் மற்றும் பல்கலைக்கழக அனுமதியை எதிர்பார்த்திருப்பவர்கள் ஆகியோரை உள்ளடக்கி ஆங்கிலம் மற்றும் தகவல் தொடர்பாடல் தொழில்நுட்பவியல், தமிழ், சிங்கள பாடங்களுக்கான சான்றிதழ் கற்கைநெறிகளை எமது நிறுவனம் வழங்கி வருகிறது. 

இந்நிலையிலேயே மேற்படி தரப்பினருக்கு எதிர்கால தொழில்முறைக்கான நெறிப்படுத்தல் நிகழ்வையும் நடத்துகிறது.