தவறவிடாதீர்கள்..!உடனே பதிவு செய்யுங்கள்

'அசுரன்' புகழ் நடிகை அம்மு அபிராமி கதாநாயகியாக நடித்திருக்கும் 'பெண்டுலம்' படத்தின் ஃபர்ஸ்ட் லுக் வெளியாகியிருக்கிறது.

அறிமுக இயக்குநர் பி.சதீஷ் குமரன் இயக்கத்தில் எடுக்கப்படும் முதல் திரைப்படம் 'பெண்டுலம்'. 

இதில் நடிகர் விஜித் கதாநாயகனாக நடிக்கிறார். இவருடன் 'வானம் கொட்டட்டும்' படப்புகழ் நடிகர் ராம், ஜூனியர் எம்.ஜி.ஆர்., டி.எஸ்.கே., பிரேம்குமார், அம்மு அபிராமி, கோமல் சர்மா உள்ளிட்ட பலர் நடித்திருக்கிறார்கள். 

ஆர்.ஆனந்த் ஒளிப்பதிவில் உருவாகிவரும் இந்த படத்துக்கு சிமோன் கிங் இசையமைக்கிறார். இந்த படத்தை சூரியா இந்திரஜித் பிலிம்ஸ் எனும் பட நிறுவனம் சார்பில் திரவியம் பாலா தயாரிக்கிறார்.

'பெண்டுலம்' படத்தின் படப்பிடிப்புப் பணிகள் நிறைவடைந்திருக்கிறது. இறுதிக்கட்ட பணிகள் விறுவிறுப்பாக நடைபெற்று வருகிறது. 

இந்நிலையில் படத்தின் ஃபர்ஸ்ட் லுக் வெளியாகியுள்ளது. தலைப்பில் ஓய்வின்றி ஆடிடும் பெண்டுலம் என்ற பெயரும், மண்ணில் புதைந்த ஒரு மனித முகமும் இடம்பெற்றிருப்பது ரசிகர்களை ஈர்த்திருக்கிறது.