தவறவிடாதீர்கள்..!உடனே பதிவு செய்யுங்கள்

நுவரெலியா மார்காஸ் தோட்டம் மேற்பிரிவை சேர்ந்த இளைஞர், யுவதிகளின் 'உதவும் கரங்கள்' அமைப்பின் ஒரு வருட பூர்த்தி விழா கடந்த சனிக்கிழமை (ஒக் 08) நடைபெற்றது. 

இவ்வமைப்பு ஆரம்பிக்கப்பட்டு ஒரு வருட பூர்த்தி நிகழ்வோடு, வாணி விழாவும் வருடாந்த பரிசளிப்பு விழாவும் கலை கலாசார நிகழ்வுகளும் மார்காஸ் தோட்ட மேற்பிரிவு ஸ்ரீரங்கா கலாசார மண்டபத்தில் இடம்பெற்றது.

இந்நிகழ்வில் பிரதம அதிதியாக நுவரெலியா மாநகர சபை உறுப்பினர் ஜெயராமன் வினோத்ஜி கலந்துகொண்டு, போட்டி நிகழ்ச்சிகளில் வெற்றி பெற்ற மாணவ மாணவிகளுக்கு சான்றிதழ்களையும் பரிசில்களையும் வழங்கி வைத்ததுடன் வாழ்த்துக்களையும் பாராட்டுக்களையும் தெரிவித்தார். 

மேலும், இந்நிகழ்வில் சமூக பாதுகாப்பு உத்தியோகத்தர்கள், கிராம உத்தியோகத்தர்கள், பொலிஸ் அதிகாரிகள், இளைஞர் சம்மேளன அதிகாரிகள் மற்றும் பொதுமக்கள் என பலர் கலந்துகொண்டு நிகழ்வை சிறப்பித்தமை குறிப்பிடத்தக்கது.