தவறவிடாதீர்கள்..!உடனே பதிவு செய்யுங்கள்

(எம்.வை.எம்.சியாம்)

காலி - ரத்கம பகுதியில் உள்ள புகையிரத கடவையில் ரயிலில் மோதுண்டு இளைஞர் ஒருவர் உயிரிழந்துள்ளார். இந்த விபத்து சம்பவம் 03 ஆம் திகதி திங்கட்கிழமை இடம்பெற்றுள்ளதாக பொலிஸ் ஊடகப்பிரிவு தெரிவித்துள்ளது.

ரத்கம பொலிஸ் பிரிவிற்கு உட்பட்ட விஜேராம மாவத்தையில் உள்ள பாதுகாப்பற்ற ரயில் கடவையில் காலியிலிருந்து அம்பலாங்கொடை நோக்கி பயணித்து கொண்டிருந்த ரயிலில் மோதுண்டு குறித்த இளைஞர் காயமடைந்துள்ளார்.

இதன் போது பலத்த காயமடைந்த இளைஞர் கராப்பிட்டிய வைத்தியசாலையில் அனுமதிக்கப்பட்டதன் பின்னர் சிகிச்சை பலனின்றி உயிரிழந்துள்ளார்.

இவ்வாறு உயிரிழந்தவர் 22 வயதுடைய ஒருவர் எனவும் அவர் கம்மெத்த கொட, ரத்கம பிரதேசத்தைச் சேர்ந்த  இளைஞராவார்

சம்பவம் தொடர்பில் ரத்கம பொலிஸார் மேலதிக விசாரணைகளை முன்னெடுத்துள்ளார்கள்.