'அதியுயர் பாதுகாப்பு வலய' உத்தரவு சட்டத்திற்கும் அடிப்படை உரிமைகளுக்கும் முரணானது - மாற்றுக்கொள்கைகளுக்கான நிலையம்

By Digital Desk 5

26 Sep, 2022 | 08:54 PM
image

(நா.தனுஜா)

கொழும்பின் சில பகுதிகளை அதியுயர் பாதுகாப்பு வலயங்களாகப் பிரகடனப்படுத்தி ஜனாதிபதி ரணில் விக்ரமசிங்கவினால் பிறப்பிக்கப்பட்டுள்ள உத்தரவும் அதன் நோக்கமும் சட்டத்திற்கும் அரசியலமைப்பின் ஊடாக உறுதிப்படுத்தப்பட்டுள்ள அடிப்படை உரிமைகளுக்கும் முரணானது என்றும், கருத்து வெளிப்பாட்டுச் சுதந்திரத்தை முடக்குவதற்கு ஐக்கிய தேசியக்கட்சி - ஸ்ரீலங்கா பொதுஜன பெரமுன அரசாங்கத்தினால் முன்னெடுக்கப்பட்டுவரும் தொடர் நடவடிக்கைகளின் ஓரங்கமே இதுவென்றும் மாற்றுக்கொள்கைகளுக்கான நிலையம் கடும் விசனத்தை வெளியிட்டுள்ளது.

1955 ஆம் ஆண்டு 32 ஆம் இலக்க உத்தியோகபூர்வ இரகசியங்கள் சட்டத்தின்கீழ் ஜனாதிபதியும் பாதுகாப்பு அமைச்சருமான ரணில் விக்ரமசிங்கவினால் கொழும்பிலுள்ள சில பகுதிகள் அதியுயர் பாதுகாப்பு வலயங்களாகப் பிரகடனப்படுத்தப்பட்டுள்ளமை தொடர்பில் தமது நிலைப்பாட்டைத் தெளிவுபடுத்தி வெளியிட்டுள்ள அறிக்கையிலேயே மாற்றுக்கொள்கைகளுக்கான நிலையம் மேற்கண்டவாறு வலியுறுத்தியுள்ளது. அவ்வறிக்கையில் மேலும் கூறப்பட்டிருப்பதாவது:

அதியுயர் பாதுகாப்பு வலயங்களைப் பிரகடனப்படுத்தி ஜனாதிபதி ரணில் விக்ரமசிங்கவினால் கடந்த 23 ஆம் திகதி வெளியிடப்பட்ட வர்த்தமானி அறிவித்தல் தொடர்பில் நாம் மிகுந்த விசனமடைகின்றோம். இவ்வர்த்தமானி அறிவித்தலின் ஊடாக கொழும்பு மாவட்டத்திலுள்ள சில பகுதிகள் அதியுயர் பாதுகாப்பு வலயங்களாகப் பிரகடனப்படுத்தப்பட்டிருப்பதுடன் அப்பகுதிகளில் முன்னெடுக்கப்படக்கூடிய செயற்பாடுகள் தொடர்பில் தீவிர மட்டுப்பாடுகளும் கடுமையான பிணை நிபந்தனைகளும் விதிக்கப்பட்டுள்ளன.

இந்த உத்தரவுகளும் நிபந்தனைகளும் 1955 ஆம் ஆண்டு 32 ஆம் இலக்க உத்தியோகபூர்வ இரகசியங்கள் சட்டத்தின்கீழ் பிறப்பிக்கப்பட்டிருக்கின்றன.

இருப்பினும் அச்சட்டத்தை மிகவும் நுட்பமாக ஆராயும்போது நாட்டின் பாதுகாப்புடன் தொடர்புடைய முக்கிய இரகசியத்தகவல்களைப் பாதுகாப்பதை பிரதான நோக்கமாகக் கொண்டிருக்கும் அச்சட்டத்தின் வரையறைகளுக்கு அமைவாக இந்த உத்தரவு அமையவில்லை என்பது தெளிவாகின்றது.

எனவே இவ்வுத்தரவும் அதன்கீழ் விதிக்கப்பட்டுள்ள நிபந்தனைகளும் அவற்றின் நோக்கமும் சட்டத்திற்கும் அரசியலமைப்பின் ஊடாக உறுதிப்படுத்தப்பட்டுள்ள அடிப்படை உரிமைகளுக்கும் முரணானது என்பது குறித்து நாம் கவனம் செலுத்தியிருக்கின்றோம்.

அத்தோடு உத்தியோகபூர்வ இரகசியங்கள் சட்டத்தின்கீழுள்ள வழிகாட்டல்கள் மூலம் அடிப்படை உரிமைகளை முழுமையாக மட்டுப்படுத்தமுடியாது.

எனவே அரசியலமைப்பின் ஊடாக உறுதிப்படுத்தப்பட்டுள்ள அடிப்படை உரிமைகளைத் தன்னிச்சையாகக் கட்டுப்படுத்துவதற்கும் கருத்து வெளிப்பாட்டை அடக்குவதற்கும் நாட்டிற்குள் அச்ச உணர்வை உருவாக்குவதற்கும் ஐக்கிய தேசியக்கட்சி - ஸ்ரீலங்கா பொதுஜன பெரமுன அரசாங்கத்தினால் முன்னெடுக்கப்பட்டுவரும் தொடர் நடவடிக்கைகளின் ஓரங்கமே இதுவென்பது தெளிவாகின்றது.

அதுமாத்திரமன்றி அனைத்துவிதமான கருத்து வெளிப்பாடுகளையும் அடக்குவதற்கு ஐக்கிய தேசியக்கட்சி - ஸ்ரீலங்கா பொதுஜன பெரமுன அரசாங்கத்தினால் பொதுப்பாதுகாப்புச்சட்டங்கள் பயன்படுத்தப்படுகின்றமைக்குத் தற்போது பிறப்பிக்கப்பட்டுள்ள உத்தரவுகள் மற்றுமொரு உதாரணமாகும் என்று அவ்வறிக்கையில் சுட்டிக்காட்டப்பட்டுள்ளது. 

முக்கிய செய்திகள்

icon-left
icon-right

தொடர்பான செய்திகள்

news-image

பௌத்த அறக் கொள்கையை பேணும் சிங்களவர்களை...

2022-11-28 21:07:19
news-image

ஓமான் தூதரக அதிகாரி கொழும்பு விமானநிலையத்தில்...

2022-11-29 05:48:09
news-image

அனைத்து இன மக்களையும் ஒன்றிணைக்கும் கொள்கை...

2022-11-28 16:51:42
news-image

அரசியல் மயமாகியுள்ள வெளிவிவகார அமைச்சை மறுசீரமைக்க...

2022-11-28 21:09:30
news-image

ஊடகத்தை அச்சுறுத்தி எந்த நெருக்கடிக்கும் தீர்வுகாண...

2022-11-28 16:08:41
news-image

யுத்தம் வெற்றி கொள்ளப்பட்டாலும் நாட்டில் சமாதானம்...

2022-11-28 15:13:06
news-image

இனப் பிரச்சினைக்கு தீர்வு வழங்குவதாக ஜனாதிபதி...

2022-11-28 17:19:07
news-image

அரச நிதி தொடர்பான முகாமைத்துவ சட்டத்தை...

2022-11-28 13:30:34
news-image

வியட்நாமில் உயிரிழந்த இலங்கையரின் சடலத்தை அங்கேயே...

2022-11-28 21:08:04
news-image

பால் மாவின் விலை அதிகரிக்கிறது!

2022-11-28 21:00:39
news-image

மனித உரிமை ஆணைக்குழுவுடன் மோதி நாட்டை...

2022-11-28 17:04:25
news-image

சமூக ஊடகங்கள் ஊடக நெறியாக்கத்திற்கமைய செயற்படுகிறதா...

2022-11-28 12:40:38