தவறவிடாதீர்கள்..!உடனே பதிவு செய்யுங்கள்

குவாட் அமைப்பின் அடுத்த வெளியுறவு அமைச்சர்கள் கூட்டம் 2023 ஆம் ஆண்டின் தொடக்கத்தில் டெல்லியில் நடைபெறவுள்ளது.

குவாட் அமைப்பின்  பலதரப்பு ஒத்துழைப்பிற்கான தொலைநோக்கு இந்தோ-பசிபிக் முழுவதிலும் உள்ள மக்களின் நலனுக்காக செயல்-சார்ந்த ஈடுபாட்டை முன்னிறுதிய என குவாட் அமைப்பின் வெளிவிவகார அமைச்சர்கள்  வெளியிட்டுள்ள  கூட்டறிக்கையில் தெரிவிக்கப்பட்டுள்ளது.

அமெரிக்க வெளியுறவுத்துறை அமைச்சர் பிளிங்கன் மற்றும் வெளியுறவு அமைச்சர்களான ஆஸ்திரேலியா, பென்னி வோங், இந்தியா, எஸ் ஜெய்சங்கர் மற்றும் ஜப்பான், ஹயாஷி யோஷிமாசா ஆகியோர் நியூயார்க் நகரில் 77 வது ஐக்கிய நாடுகளின் பொதுச் சபை கூட்டத்தில் பங்குப்பற்றிய நிலையில், குவாட் அமைப்பின் ஒன்று கூடலையும் நடத்தியுள்ளனர்.

 சுதந்திரமான மற்றும் திறந்த இந்தோ-பசிபிக்கை முன்னேற்றுவதற்கு ஆதரவாக குவாட் பலதரப்பு ஒத்துழைப்பை ஆழப்படுத்துவது குறித்து இதன் போது கலந்துரையாடப்பட்டது.

சர்வதேச சட்டம், அமைதி மற்றும் கடல்சார் களத்தில் உள்ள பாதுகாப்பு ஆகியவை இந்தோ-பசிபிக் வளர்ச்சி மற்றும் செழுமைக்கு முக்கியமாகின்றதாக குறிப்பிட்டுள்ளனர்.

தற்போதைய நிலையை மாற்ற அல்லது பிராந்தியத்தில் பதற்றத்தை அதிகரிக்க முயலும் எந்தவொரு ஒருதலைப்பட்சமான நடவடிக்கைகளையும் கடுமையாக எதிர்க்கிறோம்.

ஆசியான் ஒற்றுமை மற்றும் மையத்தன்மை, ஆசியான் தலைமையிலான பிராந்திய கட்டிடக்கலை மற்றும் இந்தோ-பசிபிக் மீதான ஆசியாவின் பார்வையை நடைமுறைப்படுத்துதல் ஆகியவற்றுக்கான அசைக்க முடியாத ஆதரவையும் நாங்கள் மீண்டும் உறுதிப்படுத்துவதாகவும் தெரிவித்துள்ளனர்.

விதிகளின் அடிப்படையிலான சர்வதேச ஒழுங்குமுறை உள்ள பிராந்தியம்தான் குவாடின் பார்வையாகும். சுதந்திரம், சட்டத்தின் ஆட்சி, ஜனநாயக விழுமியங்கள், சச்சரவுகளுக்கு அமைதியான தீர்வு, இறையாண்மை மற்றும் பிராந்திய ஒருமைப்பாடு ஆகிய கோட்பாடுகள் மதிக்கப்படுவதாக கூட்டறிக்கையில் குறிப்பிடப்பட்டுள்ளது.