அஜித் குமார் நடிக்கும் 'துணிவு' படத்தின் செகண்ட் லுக் வெளியீடு

Published By: Vishnu

23 Sep, 2022 | 04:02 PM
image

தமிழ் திரையுலகின் வசூல் சக்கரவர்த்தியும், முன்னணி நட்சத்திர நடிகருமான அஜித்குமார் நடிப்பில் தயாராகி வரும் புதிய திரைப்படத்திற்கு துணிவு' என பெயரிடப்பட்டு, அதன் ஃபர்ஸ்ட் லுக் மற்றும் செகண்ட் லுக் வெளியிடப்பட்டிருக்கிறது.

' நேர்கொண்ட பார்வை', 'வலிமை' ஆகிய படங்களை இயக்கிய இயக்குநர் ஹெச். வினோத் இயக்கத்தில் தயாராகி இருக்கும் புதிய படம் 'துணிவு'. இதில் அஜித்குமார்  இரட்டை வேடத்தில் நடிக்கிறார். அவருடன் மலையாள நடிகை மஞ்சு வாரியர் அழுத்தமான வேடத்தில் நடிக்கிறார். 

இவர்களுடன் சமுத்திரகனி, யோகி பாபு, பிரேம் உள்ளிட்ட பலரும் நடிக்கிறார்கள். நீரவ் ஷா ஒளிப்பதிவு செய்திருக்கும் இந்த படத்திற்கு ஜிப்ரான் இசையமைத்திருக்கிறார். எக்சன் என்டர்டெய்னர் ஜேனரில் தயாராகியிருக்கும் இந்த திரைப்படத்தை பே வியூ ப்ராஜெக்ட்ஸ் மற்றும் ஜீ ஸ்டுடியோஸ் ஆகிய நிறுவனங்கள் சார்பில் தயாரிப்பாளர் போனி கபூர் பிரம்மாண்டமான பொருட்செலவில் தயாரித்திருக்கிறார்.

இப்படத்தில் இறுதி கட்ட படப்பிடிப்பு விரைவில் தாய்லாந்து நாட்டில் தொடங்குகிறது. இந்நிலையில் படத்திற்கு 'துணிவு' என பெயரிடப்பட்டு, அதன் ஃபர்ஸ்ட் லுக் மற்றும் செகண்ட் லுக் வெளியிடப்பட்டிருக்கிறது. 

ஃபர்ஸ்ட் லுக்கில் நடிகர் அஜித்குமார், கையில் நவீன ரக ஆயுதத்தை வைத்துக்கொண்டு ஓய்வெடுப்பது போல் தோற்றமளிப்பதும், செகண்ட் லுக்கில்  அர்த்தமுள்ள பார்வையுடன் தோற்றமளிப்பதும் என இரண்டு வித தோற்றங்களும் ரசிகர்களை பெரிதும் கவர்ந்திருக்கிறது. 

முக்கிய செய்திகள்

icon-left
icon-right