தவறவிடாதீர்கள்..!உடனே பதிவு செய்யுங்கள்

பாகிஸ்தான் அதன் வடக்குப் பகுதியான கைபர் பக்துன்காவாவில் பயங்கரவாதத்துடன் போராடி வருகிறது. அதே போல் தென்மேற்கு மாகாணமான பலுசிஸ்தானில் ஆயுதமேந்திய பிரிவினைவாதிகளுடன்  யுத்தம் செய்து வருகிறது. ஐ.நா.வால் நியமிக்கப்பட்ட பயங்கரவாதி மசூத் அசாருக்கு புகலிடத்தை வழங்கியதாக பாகிஸ்தான் ஆப்கானிஸ்தானைக் குற்றம் சாட்டியதைத் தொடர்ந்து, ஆப்கானிஸ்தானுடன் இராஜதந்திர குழப்பங்கள் அதிகமாக உள்ளன.

பாகிஸ்தானில் இருந்து பயங்கரவாதிகள் ஊடுருவல் மற்றும் சீனாவுடனான தீவிர எல்லைப் பதற்றத்தை சமாளிப்பதில் இந்தியா மும்முரமாக ஈடுபட்டுள்ளது. ஷங்காய் ஒத்துழைப்பு அமைப்பின் உச்சிமாநாடு ஒரு கூட்டு ஆலோசனை மாநாடாக இருக்காது என்பது தொடக்கத்திலிருந்தே தெளிவாகத் தெரிந்தது. ஆனால் உறுப்பு நாடுகள் பக்கவாட்டில் ஒன்றுக்கு ஒன்று கூட்டங்களை நடத்துவதற்கான வாய்ப்பாக மாறியது.

செப்டம்பர் 15 அன்று, சீன ஜனாதிபதி ஜி ஜின்பிங் உஸ்பெகிஸ்தான் ஜனாதிபதியுடன் 16 பில்லியன் டொலர் முதலீட்டு ஒப்பந்தத்தில் கையெழுத்திட்டார். உச்சிமாநாட்டின் பக்கவாட்டு கூட்டங்களில் மறைக்கப்பட்ட மற்றொரு ஒப்பந்தம் ரஷ்ய மற்றும் உஸ்பெகிஸ்தானுக்கு இடையே 4.6 பில்லியன்  டொலர் ஒப்பந்தமாகும்.

சீனாவுடன் கையெழுத்தான ஒப்பந்தத்தின்படி, சீனா-கிர்கிஸ்தான்-உஸ்பெகிஸ்தான் இடையே ரயில் பாதை அமைக்கப்படும். உஸ்பெகிஸ்தானின் பொருளாதாரத்தின் இயந்திரங்கள், இரசாயனங்கள், பெட்ரோ கெமிக்கல்ஸ் மற்றும் புவியியல் துறைகளில் ரஷ்யாவுடன் ஒப்பந்தம் கையெழுத்தானது.

உச்சி மாநாட்டின் போது ரஷ்ய அதிபர் விளாடிமிர் புடின், துருக்கியப் பிரதிநிதி ரெசெப் தையிப் எர்டோகனைச் சந்தித்தார். அதில், ஈரான் வழியாக 750 கி.மீட்டர் தூரத்திற்கு எரிவாயு குழாய் பதிக்கப்பட்டுள்ளதற்கு துருக்கி எதிர்ப்பு தெரிவிக்காததற்கு ஈடாக துருக்கி ஷங்காய் ஒத்துழைப்பு அமைப்பில் நிரந்தர உறுப்பினராவதை ஆதரிப்பதாக ரஷ்யா உறுதியளித்தது.

உஸ்பெகிஸ்தான் ஜனாதிபதியின் கோடைக்கால அரண்மனை இல்லத்தில் ஜி ஜின்பிங் மற்றும் எர்டோகன் இடையே நடந்த மூடிய கதவு சந்திப்பின் போது, ஒரு பில்லியன் டொலர் தானிய ஒப்பந்தம் மேற்கொள்ளப்பட்டதாக நம்பப்படுகிறது, இது துருக்கியிடமிருந்து பில்லியன் கணக்கான டொலர்களை சீனா சம்பாதிக்க உதவும்.

பாக்கிஸ்தான் பிரதமர் உச்சிமாநாட்டில் தனது உரையின் போது பல முறை தடுமாற்றம் அடைந்தார். தனது நாடு 'தண்ணீர்க் கடலாக' மாறிவிட்டது என்று கூறினார்.  ஆனால் கூட்டு நிவாரணப் பொதி எதுவும் வழங்கப்படவில்லை என குறிப்பிட்டார்.

உறுப்பு நாடுகளிடையே பதற்றம் அதிகமாக இருப்பதால், இந்தியப் பிரதமர் நரேந்திர மோடி தனது பாகிஸ்தான் மற்றும் சீன சகாக்களுடன் ஒருவரையொருவர் சந்திக்க முடியவில்லை. ஒரு கூட்டுப் பிரகடனத்தைக் கொண்டு வரத் தவறியதற்கு ஒரு முக்கியக் காரணம், சீனா மற்றும் ரஷ்யா ஆகிய இரு நாடுகளும் தங்கள் பொருளாதார மற்றும் அரசியல் துறைகளில் தங்கள் மேலாதிக்கச் செல்வாக்கை விரிவுபடுத்தும் விருப்பத்திலிருந்து விலகுவதற்கு விருப்பம் இல்லாததுதான்.

மேற்குறிப்பிட்ட நாடுகள் எதுவும் தங்கள் சொந்த நாடுகளில் அமைதி மற்றும் நல்லிணக்கத்திற்கான விவாதத்தைத் தொடங்கவில்லை. அரசியலின் அளவுகோலாக மாறியிருக்கும் போர் வெறித்தனம், பரந்த சீன மக்களைப் பகைத்து, அதை மாற்றியமைக்க ஒரு காரணமாக முடியும்.

எனவே, உச்சிமாநாட்டில் விவாதிக்க கூட்டாக ஒப்புக் கொள்ளப்பட்ட நிகழ்ச்சி நிரல் எதுவும் இல்லை. உச்சிமாநாட்டிற்கு முந்தைய கலந்துரையாடல் எதுவும் உறுப்பு நாடுகளின் தலைவர்களிடையே நடத்தப்படவில்லை.

மோடி தனது இராஜதந்திர அபிலாஷைகளை முன்னெடுப்பதற்கு அமைதியான வழிகளைக் கருத்தில் கொள்ளுமாறு புடினுக்கு அறிவுரை கூறும் ஒரு ஞானியைப் போல உலகத் தலைவர்களிடையே நகர்ந்ததால், தனது நிலைப்பாட்டில் நின்ற ஒரே நாடு இந்தியா.

இங்கிலாந்தை பின்னுக்கு தள்ளி உலகின் ஐந்தாவது பெரிய பொருளாதார நாடாக இந்தியா மாறியுள்ளது. உலகின் புதிய உற்பத்தி மையமாக இந்தியா முன்னேறி வரும் நிலையில், பிராந்திய அமைதி மற்றும் பொருளாதார ஒத்துழைப்புக்கான ஒரு மன்றமாக ஷங்காய் ஒத்துழைப்பு அமைப்பு மாறுவது சாத்தியமில்லை. சீனா, இந்தியாவை நாசப்படுத்த அனைத்து வழிகளையும் பயன்படுத்தும் என்று தெரிகிறது.

இந்தியாவின் பொருளாதார வளர்ச்சியானது அதன் மக்கள்தொகை மற்றும் பரந்த உலகத்தின் தேவைகளைப் பூர்த்தி செய்யும் விருப்பத்தால் வழிநடத்தப்படுகிறது. மறுபுறம் சீனாவின் பொருளாதார வளர்ச்சி பேராசையால் உந்தப்படும் ஏகாதிபத்திய பொருளாதார விரிவாக்கத்தால் உந்தப்படுகிறது.

இது அமைதியின் சகாப்தம் என்று புடினுக்கு மோடி அளித்த அறிவுரை, பிராந்திய அமைதியை அடைவதற்கான முக்கிய அணுகுமுறையாகும். இது பிராந்தியத்திற்கு இன்றியமையாதது.