தவறவிடாதீர்கள்..!உடனே பதிவு செய்யுங்கள்

(எம்.வை.எம்.சியாம்)

மாத்தறை- திக்வெல்ல பிரதேசத்தில் மோட்டார் சைக்கிள் வேக கட்டுப்பாட்டை இழந்து வீதியை விட்டு விலகி விபத்துக்குள்ளாகியதில்  ஒருவர் உயிரிழந்துள்ளார். இந்த விபத்து சம்பவம் நேற்று  இடம்பெற்றுள்ளதாக பொலிஸ் ஊடகப்பிரிவு தெரிவித்துள்ளது.

திக்வெல்ல பொலிஸ் பிரிவுக்கு உட்பட்ட பகுதியில் ரத்மலை-கெகுனந்துரே பிரதான வீதியின் உடுவல பிரதேசத்தில் இருந்து ரத்மலை நோக்கி பயணித்து கொண்டிருந்த மோட்டார் சைக்கிள் வேக கட்டுப்பாட்டை இழந்து அருகில் இருந்த கால்வாயில் விழுந்து விபத்து இடம்பெற்றுள்ளது.

இதன் போது பலத்த காயமடைந்த மோட்டார் சைக்கிள் செலுத்திய நபர் மாத்தறை வைத்தியசாலையில் அனுமதிக்கப்பட்டதன் பின்னர் சிகிச்சை பலனின்றி உயிரிழந்துள்ளார்.

இவ்வாறு உயிரிழந்தவர் 43 வயதுடைய  திக்வெல்ல பிரதேசத்தைச் சேர்ந்தவராவார்

மோட்டார் சைக்கிள் செலுத்திய நபரின் கவனயீனம் விபத்து காரணம் எனவும் பிரதேச பரிசோதனைகளுக்கு பின்னர் குறித்த சடலம் உறவினர்களிடம் ஒப்படைக்கப்பட்டுள்ளதாக பொலிஸார் தெரிவித்துள்ளார்கள்

விபத்து தொடர்பில் திக்வெல்ல பொலிஸார் மேலதிக விசாரணைகளை முன்னெடுத்துள்ளார்கள்.