உதயநிதி ஸ்டாலினின் 'மாமன்னன்' படபிடிப்பு நிறைவு

By Digital Desk 5

14 Sep, 2022 | 08:20 PM
image

தமிழ் திரையுலகின் முன்னணி திரைப்பட வெளியீட்டு நிறுவனமான ரெட் ஜெயண்ட் மூவிஸின் உரிமையாளரும், நடிகரும், தமிழக சட்டமன்ற உறுப்பினருமான உதயநிதி ஸ்டாலின் நடிப்பில் தயாராகி வரும் 'மாமன்னன்' படத்தின் படப்பிடிப்பு நிறைவு பெற்றதாக படக்குழுவினர் அதிகாரப்பூர்வமாக அறிவித்திருக்கிறார்கள்.

'பரியேறும் பெருமாள்', 'கர்ணன்' ஆகிய படங்களை இயக்கிய இயக்குநர் மாரி செல்வராஜ் இயக்கத்தில் தயாராகி வரும் புதிய திரைப்படம் 'மாமன்னன்'. இதில் நடிகர் உதயநிதி ஸ்டாலின் கதையின் நாயகனாக நடிக்க, அவருக்கு ஜோடியாக நடிகை கீர்த்தி சுரேஷ் நடித்திருக்கிறார். இவர்களுடன் வைகைப்புயல் வடிவேலு, பகத் பாசில் உள்ளிட்ட பலர் நடித்திருக்கிறார்கள். தேனி ஈஸ்வர் ஒளிப்பதிவு செய்திருக்கும் இந்தப் படத்திற்கு 'இசை புயல்' ஏ ஆர் ரகுமான் இசையமைக்கிறார். உண்மை சம்பவத்தை மையமாகக் கொண்டு உருவாகி இருக்கும் இந்த திரைப்படத்தை ரெட் ஜெயண்ட் மூவிஸ் பிரம்மாண்டமான பொருட்செலவில் தயாரித்திருக்கிறது.

சேலம், சென்னை உள்ளிட்ட இடங்களில் மூன்று கட்டங்களாக நடைபெற்று வந்த இப்படத்தின் படப்பிடிப்பு நிறைவு பெற்றிருக்கிறது. இதனை தொடர்ந்து படப்பிடிப்பின் இறுதி நாளன்று படப்பிடிப்பு தளத்தில் கேக் வெட்டி படக்குழுவினர் கொண்டாடினர்.

படப்பிடிப்பு நிறைவடைந்திருப்பதால் விரைவில் பின்னணி பணிகள் தொடங்கவிருக்கிறது. இதனை தொடர்ந்து படத்தின் ஃபர்ஸ்ட் லுக் மற்றும் சிங்கிள் ட்ராக் வெளியாகும் என எதிர்பார்க்கப்படுகிறது.

'சைக்கோ', 'நெஞ்சுக்கு நீதி' ஆகிய படங்களின் வெற்றியை தொடர்ந்து உதயநிதி ஸ்டாலின் நடித்து வரும் 'மாமன்னன்' படத்திற்கு ரசிகர்களிடத்திலும், திரையுலக வணிகர்களிடத்திலும் பெரும் எதிர்பார்ப்பு எழுந்திருக்கிறது.

முக்கிய செய்திகள்

icon-left
icon-right

தொடர்பான செய்திகள்

news-image

நடிகை சமந்தாவின் 'சாகுந்தலம்' திரைப்படத்தின் வெளியீட்டு...

2022-09-26 22:23:03
news-image

சன்னி லியோன் நடிக்கும் 'ஓ மை...

2022-09-26 21:28:05
news-image

பொன்னியின் செல்வன் ; முக்கிய கதாபாத்திரங்கள்...

2022-09-26 16:40:20
news-image

பண மோசடி வழக்கு ; நடிகை...

2022-09-26 14:59:02
news-image

வேதிகா நடிக்கும் 'மஹால்' பட தொடக்க...

2022-09-25 13:08:17
news-image

மனச்சோர்வுக்கு மருந்தாகும் 'நித்தம் ஒரு வானம்'

2022-09-24 13:59:10
news-image

சிவகார்த்திகேயனின் 'பிரின்ஸ்' பட புதிய பாடல்...

2022-09-24 12:40:53
news-image

குழலி - விமர்சனம்

2022-09-23 16:37:54
news-image

அஜித் குமார் நடிக்கும் 'துணிவு' படத்தின்...

2022-09-23 16:02:32
news-image

பூஜையுடன் தொடங்கிய தனுஷின் 'கேப்டன் மில்லர்'

2022-09-23 11:21:04
news-image

தனுஷின் 'வாத்தி' வெளியீட்டுத் திகதி அறிவிப்பு

2022-09-21 11:54:53
news-image

தனுஷின் 'கேப்டன் மில்லர்' படத்தில் இணைந்த...

2022-09-18 14:05:47