தவறவிடாதீர்கள்..!உடனே பதிவு செய்யுங்கள்

உடல் எடையைக் குறைப்பதற்கு பல­ரும் வெவ்வேறு வழிமுறைகளை தெரிவு செய்கி­றார்கள். சிலர் இரவு உணவை தவிர்க்கும் வழக்கத்தை பின்பற்றுகிறார்கள். இரவில் குறைந்த அளவிலாவது உணவு உட்கொள்ள வேண்டும். எதுவும் சாப்பிடா­மல் இருப்பது உடல் எடையை குறைக்க உதவும் என்று நம்புகிறார்கள். இரவு உண­வைத் தவிர்ப்பது உடல் மற்றும் மன ஆரோக்கியத்தில் எதிர்­மறையான தாக்­கத்தை அனுபவிக்கக்கூடும். 

இரவு உணவை தவிர்க்க முயற்சிப்ப­வர்­களில் சிலர் உணவுக்கு மாற்றாக துரித உணவு­களை தெரிவு செய்கிறார்கள். அது உடலில் சர்க்­கரை அளவையும், கவலையையும் அதி­க­ரிக்­கச் செய்யும். அதாவது, கார்டிசால் உற்பத்­தியை அதி­கரிக்கச் செய்யும். மன அழுத்த ஹோர்மோன் என அழைக்கப்படும் இது உடலில் இரத்த சர்க்கரை அளவை அதிகரிக்க செய்துவிடும். உயர் இரத்த அழுத்தம், பல­வீனம், கவலை, மனச்­சோர்வு போன்ற பாதிப்பு­களை­யும் ஏற்­படுத்திவிடும். இரவு உணவை தவிர்ப்­பது தூக்கமின்­மைக்கு வழி­­வகுக்கும். இது மன ஆரோக்கி­­யத்­­­தில் கடுமையான தாக்­கத்தை ஏற்­படுத்துவதோடு காலை உணவை தவிர்க்கவும் வழிவகுக்­கும். 

தூக்கத்திற்கு இடையூறாக இருக்­கும் மன அழுத்த ஹோர்­மோன்­களின் செயல்­பாடுகளை அதிகரிக்க செய்துவிடும். இரவு உணவைத் தவிர்ப்பது செரிமான செயல்­முறையையும் பாதிக்கும். உடலில் இருந்து எரிக்கப்படும் கலோரிகளின் அளவும் குறைந்து­விடும். மேலும் இரவு உணவை தவிர்ப்பது பசியை தூண்டிவிடும். நள்ளிரவில் பசி உணர்வுடன் அவதிப்பட நேரிடும். அப்படி பசியை புறக்­கணிப்பது உடல் நலனை பாதிப்படைய செய்து­விடும். இரவு உணவை அதிகம் சாப்­பிடு­வதும் நல்லதல்ல. மாலை வேளையில் நீர்ச் சத்து நிறைந்த பழங்களை சாப்­பிடலாம். அது இர­வில் சாப்பிடும் உணவின் அளவை குறைத்துக்­ கொள்ள வழி வகுக்கும்.