நடிகர் அதர்வா நடிப்பில் தயாராகி விரைவில் வெளியாக இருக்கும் 'ட்ரிக்கர்' படத்தின் முன்னோட்டம் அண்மையில் வெளியானது. வெளியான இருபத்தினான்கு மணி தியாலத்திற்குள் இரண்டு மில்லியனுக்கும் மேற்பட்ட பார்வையாளர்களால் பார்வையிடப்பட்டு சாதனை படைத்திருக்கிறது.
'டார்லிங்', 'எனக்கு இன்னொரு பேர் இருக்கு', '100', 'கூர்கா' ஆகிய படங்களை இயக்கிய இயக்குநர் சாம் அண்டன் இயக்கத்தில் தயாராகி இருக்கும் புதிய திரைப்படம் 'ட்ரிக்கர்'.
இதில் நடிகர் அதர்வா கதையின் நாயகனாக நடிக்க, அவருக்கு ஜோடியாக நடிகை தான்யா ரவிச்சந்திரன் நடித்திருக்கிறார்.
இவர்களுடன் நடிகர்கள் அருண் பாண்டியன், அழகம்பெருமாள், சின்னி ஜெயந்த், முனீஸ்காந்த், அன்புதாசன், நடிகைகள் சீதா, வினோதினி வைத்யநாதன், அறந்தாங்கி நிஷா உள்ளிட்ட பலர் நடித்திருக்கிறார்கள்.
கிருஷ்ணன் வசந்த் ஒளிப்பதிவு செய்திருக்கும் இந்தப் படத்திற்கு ஜிப்ரான் இசையமைத்திருக்கிறார்.
எக்சன் திரில்லர் ஜேனரில் உருவாகி இருக்கும் இந்த திரைப்படத்திற்கு இயக்குநர் பி. எஸ். மித்திரன் வசனம் எழுதியிருக்கிறார்.
ரோமியோ பிக்சர்ஸ் சார்பில் தயாரிப்பாளரும், விநியோகஸ்தரும், நடிகருமான ராகுல் வெளியிடும் இந்த ட்ரிக்கர் திரைப்படத்தை பிரமோத் பிலிம்ஸ் மற்றும் மிராக்கிள் மூவிஸ் எனும் பட நிறுவனங்கள் சார்பில் தயாரிப்பாளர்கள் பிரதீப் சக்கரவர்த்தி மற்றும் சுருதி நல்லப்பா ஆகியோர் பிரம்மாண்டமான பொருட்செலவில் தயாரித்திருக்கிறார்கள்.
இந்தப் படத்தின் ஃபர்ஸ்ட் லுக் வெளியாகி பெரும் வரவேற்பை பெற்ற நிலையில், இதன் முன்னோட்டம் வெளியிடப்பட்டிருக்கிறது.
இந்த முன்னோட்டத்தில் நடிகர் அதர்வா சீருடையற்ற பொலிஸ் அதிகாரியாக நடித்திருக்கிறார். குழந்தைகள் கடத்தலை மையப்படுத்தி உருவாகி இருக்கும் 'ட்ரிக்கர்' திரைப்படத்தின் முன்னோட்டத்தில் வசனங்களும், எக்சன் காட்சிகளும் ரசிகர்களின் கவனத்தை ஈர்த்திருக்கிறது.
இந்த திரைப்படம் இம்மாதம் 23ஆம் திகதி அன்று பட மாளிகையில் வெளியாகிறது என்பதால் அதர்வாவின் ரசிகர்கள் உற்சாகமடைந்திருக்கிறார்கள்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM