தவறவிடாதீர்கள்..!உடனே பதிவு செய்யுங்கள்

மே 9 வன்முறைகளுடன் தொடர்புடைய மேலும் இருவர் 11 ஆம் திகதி ஞாயிற்றுக்கிழமை கைது செய்யப்பட்டுள்ளதாக பொலிஸ் ஊடகப்பிரிவு தெரிவித்துள்ளது.

கடந்த மே 9 ஆம் திகதி அரசாங்கத்திற்கு எதிராக மேற்கொள்ளப்பட்ட எதிர்ப்பு ஆர்ப்பாட்டங்களின் பின்னர் நடைபெற்ற வன்முறைகளுடன்  தொடர்புடைய சந்தேக நபர்கள் இருவர் இவ்வாறு பொலிஸாரினால் கைது செய்யப்பட்டுள்ளார்கள்.

சந்தேகநபர்கள் ஹொரனை பொலிஸ் பிரிவுக்கு உட்பட்ட பகுதியில் உள்ள ஹொரனை மாநகர மேயர் வீட்டிற்கும், மற்றும் குருநாகல் பொலிஸ் பிரிவுக்கு உட்பட்ட பகுதியில் குருநாகல் பிரதேச சபை தலைவர் வீடு மற்றும் அவரின்  கடை தொகுதிக்கு சேதம் விளைத்தமை தொடர்பில் இவர்கள் இருவரும் கைது செய்யப்பட்டுள்ளார்கள்.

இதன்போது கைது செய்யப்பட்டவர்கள் 44 மற்றும் 37 வயதுடையவர்கள் எனவும் அவர்கள் ஹொரனை மற்றும் தொரட்டியாவ பிரதேசங்களை சேர்ந்தவர்கள் எனவும் பொலிஸார் தெரிவித்துள்ளார்கள்.

சம்பவம் தொடர்பில் ஹொரனை மற்றும் குருநாகல் பொலிஸார் மேலதிக விசாரணைகளை முன்னெடுத்துள்ளார்கள்.