ஆசிய வலைப்பந்தாட்ட சம்பியன்ஷிப் இறுதிப் போட்டியில் சம்பியன் பட்டத்தை சுவீகரித்தது இலங்கை

Published By: Vishnu

11 Sep, 2022 | 05:24 PM
image

(நெவில் அன்தனி)

சிங்கப்பூர் ஓ சி பி சி உள்ளக அரங்கில் இன்று (11) ஞாயிற்றுக்கிழமை நடைபெற்ற 13ஆவது ஆசிய வலைபந்தாட்ட சம்பியன்ஷிப் இறுதிப் போட்டியில் முன்னாள் சம்பியன் சிங்கப்பூரிடம் ஆரம்பத்தில் கடும் சவாலை எதிர்கொண்ட நடப்பு சம்பியன் இலங்கை 63 - 52 என்ற கோல்கள் கணக்கில் வெற்றியீட்டி சம்பியன் பட்டத்தை தக்கவைத்துக்கொண்டது.

இதன் மூலம் ஆசிய வலைபந்தாட்ட சம்பியன்ஷிப் வரலாற்றில் 6ஆவது தடவையாக இலங்கை ஆசிய சம்பியன் பட்டத்தை சூடி ஆசிய வலைபந்தாட்டத்தில் முடிசூடா இராணி என்பதை நிரூபித்தது.

இலங்கை அணி வீராங்கனைகள் அனைவரும் அற்புதமாக விளiயாடி இலங்கை தோல்வி அடையாத அணியாக  சம்பியனாவதற்கு பெரும் பங்களிப்பு செய்தனர்.

குறிப்பாக 43 வயதான தர்ஜினி சிவலிங்கம் தனது வயதையும் மீறி கோல் போடுவதில் அற்புத ஆற்றல்களை வெளிப்படுத்தி இறுதி ஆட்டம் உட்பட இலங்கையின் சகல வெற்றிகளிலும் பெரும் பங்காற்றியிருந்ததை இங்கு குறிப்பிட்டாக வேண்டும்.

இறுதி போட்டியின் முதலாவது கால் மணி ஆட்ட நேர பகுதியில் ஓரளவு ஆதிக்கம் செலுத்திய சிங்கப்பூர் 19 - 13 என்ற கோல்கள் வித்தியாசத்தில் முன்னிலை அடைந்தது. அப் பகுதியில் இலங்கை அணயினர் இழைத்த தவறுகள் காரணமாக சிங்கப்பூர் கோல் எண்ணிக்கையை அதிகரித்துக்கொண்டது.

இரண்டாவது கால் மணி ஆட்ட நேர பகுதியில் இரண்டு அணியினருமே தவறுகளை இழைத்தாவாறு கோல்களைப் போட்டவண்ணம் இருந்தனர். ஓரளவு போட்டித் தன்மை நிலவிய அப் பகுதியை இலங்கை 14 - 11 எனற தனதாக்கிய போதிலும் இடைவேளையின்போது சிங்கப்பூர் 30 - 27 என்ற கோல்கள் வித்தியாசத்தில் முன்னிலையில் இருந்தது.

இடைவேளைக்குப் பின்னர் நடைபெற்ற 3ஆவது கால் மணி ஆட்ட நேர பகுதியின் ஒரு கட்டத்தில் கோல் நிலையை 34 - 34 என சமப்படுத்திய இலங்கை அதன் பின்னர் திறமையாக விளையாடி 3ஆவது ஆட்ட நேர பகுதியை 19 - 8 என தனதாக்கி ஒட்டுமொத்த கோல் நிலையை 46 - 38 என தனக்கு சாதகமாக்கிக்கொண்டு 8 கோல்கள் வித்தியாசத்தில் முன்னிலை பெற்றது.

கடைசி கால் மணி ஆட்ட நேர பகுதியில் சிங்கப்பூர் வீராங்கனைகள் ஏகப்பட்ட தவறுகளை விட்டதன் காரணமாக இலங்கை அணி இரட்டை வாய்ப்புகளைப் பயன்படுத்தி கோல்களை சரளமாகப் போட்டு அப் பகுதியையும் 17 - 14 என தனதாக்கி ஒட்டு மொத்த நிலையில் 63 - 52 என்ற கோல்கள் கணக்கில் வெற்றியீட்டி சம்பியன் பட்டத்தை சுவீகரித்தது.

முக்கிய செய்திகள்

icon-left
icon-right

தொடர்பான செய்திகள்

news-image

வீராங்கனையை முத்தமிட்ட ஸ்பானிய கால்பந்து சம்மேளன...

2024-03-29 09:43:13
news-image

ரியான் பரக்கின் அதிரடி ராஜஸ்தானை வெற்றிபெறச்...

2024-03-29 00:52:31
news-image

19 வயதின் கீழ் ஆஸி. அணியை...

2024-03-28 20:03:31
news-image

இலங்கை கால்பந்தாட்ட அணி, ஜனாதிபதியை சந்தித்தது

2024-03-28 17:49:42
news-image

எஸ்.எஸ்.சி.யின் 125 வருட கொண்டாட்ட விழா...

2024-03-28 13:22:56
news-image

பங்களாதேஷுடனான 2ஆவது டெஸ்ட்: உபாதைக்குள்ளான ராஜித்தவுக்குப்...

2024-03-28 13:22:16
news-image

19இன் கீழ் மகளிர் மும்முனை கிரிக்கெட்...

2024-03-28 00:56:33
news-image

சாதனைகள் படைக்கப்பட்ட ஐபிஎல் போட்டியில் மும்பையை...

2024-03-28 00:04:56
news-image

சில்ஹெட் டெஸ்டில் தலா 2 சதங்கள்...

2024-03-27 22:22:22
news-image

இலங்கையில் மகளிர் ரி20 ஆசிய கிண்ண...

2024-03-27 22:09:33
news-image

குஜராத்தை வீழ்த்தி இரண்டாவது நேரடி வெற்றியை...

2024-03-27 01:34:06
news-image

ஐ.பி.எல் 2024 : குஜராத் டைட்டன்ஸ்...

2024-03-26 23:43:35