தவறவிடாதீர்கள்..!உடனே பதிவு செய்யுங்கள்

கவர்ச்சி நடிகை சன்னி லியோன் கதையின் நாயகியாக முதன்மையான கதாபாத்திரத்தில் நடித்திருக்கும் 'ஓ மை கோஸ்ட்' படத்தின் டீசர் வெளியாகி இருக்கிறது.

'சிந்தனை செய்' எனும் படத்தை இயக்கிய இயக்குநர் ஆர். யுவன் இயக்கத்தில் தயாராகி இருக்கும் புதிய திரைப்படம் 'ஓ மை கோஸ்ட்'. ஆபாசப்பட நடிகையாக இருந்த சன்னி லியோன், பொலிவுட் திரைப்படங்களில் நடித்து கவர்ச்சி நடிகையாக உருமாறிய பிறகு நடித்திருக்கும் திரைப்படம் 'ஓ மை கோஸ்ட்'. இதில் சன்னி லியோனுடன் நடிகை தர்ஷா குப்தா, நடிகர்கள் ரமேஷ் திலக், யோகி பாபு, சதீஷ் உள்ளிட்ட பலர் நடித்திருக்கிறார்கள். 

தீபக் டி மேனன் ஒளிப்பதிவு செய்திருக்கும் இந்த படத்திற்கு ஜாவித் ரியாஸ் மற்றும் தரண் குமார் ஆகியோர் இசையமைத்திருக்கிறார்கள். ஹாரர் திரில்லர் ஜேனரில் தயாராகியிருக்கும் இந்த திரைப்படத்தை வைட் ஹார்ஸ் ஸ்டுடியோஸ் எனும் பட நிறுவனமும், விஏயு மீடியா என்டர்டெய்ன்மென்ட் என்ற பட நிறுவனமும் இணைந்து பிரம்மாண்டமான பொருட்செலவில் தயாரித்திருக்கிறது.

கொரோனா காரணமாக இடைநிறுத்தம் செய்யப்பட்டிருந்த இப்படத்தின் பணிகள் தற்போது இறுதி கட்டத்தை எட்டி இருக்கிறது. படத்தின் ஃபர்ஸ்ட் லுக் வெளியாகி பெரும் வரவேற்பைப் பெற்றது. தற்போது இப்படத்தின் டீசர் வெளியிடப்பட்டிருக்கிறது. 

டீசரில் சன்னி லியோன் மாயசேனா எனும் கதாப்பாத்திரத்தில் கவர்ச்சியுயாகவும், பழிக்கு பழி வாங்கும் பேயாகவும் நடித்திருக்கிறார் என தெரிய வருகிறது- அத்துடன் யோகி பாபுவின் ஒன் லைன் பஞ்ச்சும் ரசிகர்களை ஈர்த்திருக்கிறது. டீசரில் சன்னி லியோனின் 'ஓ மை கோஸ்ட்' திரைப்படம் டிசம்பரில் வெளியிடப்படும் என அறிவிக்கப்பட்டிருக்கிறது.

'வடகறி' எனும் படத்தில் ஒரே ஒரு பாடலுக்கு நடனமாடிய நடிகை சன்னி லியோன், சிறிய இடைவெளிக்குப் பிறகு கதையின் நாயகியாக இரண்டு வேடங்களில் நடித்திருக்கும் 'ஓ மை கோஸ்ட்' படத்திற்கு திரையுலக வணிகர்களிடையே பெரும் எதிர்பார்ப்பு எழுந்திருக்கிறது.