சீனாவுடனான அதிகாரப்போட்டிக்கு மத்தியில் பசுபிக் நாடுகளின் மாநாட்டை நடத்துகின்றார் பைடன்

Published By: Rajeeban

06 Sep, 2022 | 08:30 PM
image

வோசிங்டனுடன் நீண்டகாலமாக நெருக்கமான உறவுகளைகொண்டுள்ள பசுபிக்கில் சீனா தன்னை விஸ்தரித்துவரும் நிலையில் செப்டம்பரில் அமெரிக்க ஜனாதிபதி ஜோபைடன் பசுபிக் நாடுகளின் மாநாட்டை நடத்தவுள்ளார்.

செப்டம்பர் 28 29ம் திகதிகளில் பசுபிக் நாடுகளின் மாநாடு வெள்ளை மாளிகையில் இடம்பெறவுள்ளது.

வெள்ளை மாளிகையில் இடம்பெறவுள்ள முதலாவது பசுபிக் மாநாடு சுதந்திரமான வெளிப்படையான இந்தோ பசுபிக்கை முன்னோக்கி நகர்த்தும் என வெள்ளை மாளிகை அறிக்கையொன்றில் தெரிவித்துள்ளது.

பசுபிக் தீவுகள் எதிர்கொண்டுள்ள முக்கிய பிரச்சினையான காலநிலை மாற்றம் குறித்து அமெரிக்க ஜனாதிபதி பசுபிக் தலைவர்களுடன் பேச்சுவார்த்தைகளை மேற்கொள்ளவுள்ளார்,கடல்சார் பாதுகாப்பு கொவிட்டிற்கு எதிரான போராட்டம் குறித்தும் பைடன் பசுபிக் தலைவர்களுடன் உரையாடுவார்.

இந்த உச்சிமாநாடு பசுபிக்தீவுகள் மற்றும் பசுபிக் பிராந்தியத்துடனான அமெரிக்காவின் ஆழமான மற்றும் நீடித்த கூட்டாண்மையை நிரூபிக்கும் என அறிக்கையில் தெரிவித்துள்ள வெள்ளை மாளிகை இந்த உறவு பகிரப்பட்ட வரலாறு விழுமியங்கள் மக்களிற்கு இடையிலான உறவுகளை அடிப்படையாக கொண்டது எனவும் தெரிவித்துள்ளது.

வெள்ளை மாளிகை மாநாட்டில் ஆகிய நாடுகளை கலந்துகொள்ளுமாறு அமெரிக்க ஜனாதிபதி அழைப்பு விடுத்துள்ளார்.

கடந்தமாதம் டொங்காவி;ற்கான விஜயத்தின் போது திகதிகளை குறிப்பிடாமல் பிரதி இராஜாங்க செயலாளர் வென்டி வெர்மன் இந்த மாநாடு குறித்து அறிவித்திருந்தார்.

ஏப்பிரல் மாதம் சீனா சொலமன் தீவுகளுடன் பாதுகாப்பு உடன்படிக்கையில் கைச்சாத்திட்டுள்ளதை தொடர்ந்தும் பிராந்தியத்துடன் வெற்றிபெறாத பாரிய உடன்படிக்கைக்கு முயற்சி செய்ததை தொடர்ந்தும் புவிசார் அரசியலில் இதுவரை நாட்களாக கவனத்தை பெறாமலிருந்த கிழக்கு பசுபிக் தற்போது கவனத்தை பெற தொடங்கியுள்ளது.குறிப்பாக அமெரிக்காவின் கவனத்தை பெற ஆரம்பித்துள்ளது.

சமீபத்தில் அமெரிக்க கப்பல்கள் தனது துறைமுகத்தில் எரிபொருள் மீள்நிரப்புதலில் ஈடுபடுவதற்கு அனுமதி வழங்க மறுத்த சொலமன் தீவுகள் சீனா அந்த பகுதியில் அகலக்கால் பதிப்பதற்கு உதவக்கூடும் என வோசிங்டனும் அதன் சகாவான அவுஸ்திரேலியாவும் அச்சம்கொண்டுள்ளன.

முக்கிய செய்திகள்

icon-left
icon-right

தொடர்பான செய்திகள்

news-image

பங்களாதேஸ் தலைநகரில் உணவகமொன்றில் பெரும் தீ...

2024-03-01 07:01:31
news-image

மேற்குலக அச்சுறுத்தல்கள் அணு ஆயுதப் போர்...

2024-02-29 17:05:46
news-image

லெபானனிற்குள் தரைவழியாக நுழைவதற்கு திட்டமிட்டுள்ள இஸ்ரேல்-...

2024-02-29 16:26:51
news-image

காஸா பலி எண்ணிக்கை 30,000 ஐ...

2024-02-29 15:43:19
news-image

வெளிநாட்டு புலனாய்வு அமைப்பிற்காக செயற்பட்ட அவுஸ்திரேலிய...

2024-02-29 12:15:05
news-image

உலகில் முதலாவதாக மெய்நிகர் சுற்றுலா முறையை ...

2024-02-29 17:39:21
news-image

அமெரிக்க ஜனாதிபதி தேர்தல் - பைடனிற்கு...

2024-02-28 11:29:02
news-image

இஸ்ரேல் தூதரகத்திற்கு முன்னால் தீக்குளிக்க முயன்ற...

2024-02-27 16:32:41
news-image

திமுக – மநீம தொகுதி பங்கீடு...

2024-02-27 14:20:22
news-image

அவுஸ்திரேலியாவின் இறைமைக்கு சீனாவால் ஆபத்து -...

2024-02-27 12:39:19
news-image

உக்ரைனிற்கு மேற்குலக படைகள் - சாத்தியம்...

2024-02-27 09:55:58
news-image

பதவியை இராஜினாமா செய்தார் பாலஸ்தீன பிரதமர்

2024-02-26 14:57:44