ஆசிய கிண்ணம் : சுப்பர் 4 சுற்று வாய்ப்பை உறுதி செய்யும் கங்கணத்துடன் ஹொங்கொங் அணியை  எதிர்த்தாடும் இந்திய அணி

Published By: Digital Desk 4

31 Aug, 2022 | 09:46 PM
image

(என்.வீ.ஏ.)

ஆசிய கிண்ண கிரிக்கெட் போட்டியில்    பிரதான சுப்பர் 4 சுற்று வாய்ப்பை உறுதி செய்யும் கங்கணத்துடன் ஹொங்கொங் அணியை துபாய் சர்வதேச விளையாட்டரங்கில் இந்தியா இன்று இரவு எதிர்த்தாடவுள்ளது.

பாகிஸ்தானுக்கு எதிரான போட்டியில் ஹர்த்திக் பாண்டியாவின் அதிரடி ஆட்ட உதவியுடன் 2 பந்துகள் மீதமிருக்க 5 விக்கெட்களால் வெற்றியீட்டிய இந்தியா, இன்றைய போட்டியிலும் வெற்றிபெறும் என கருதப்படுகிறது.

ஆனால், 4 வருடங்களுக்கு முன்னர் இந்தியாவை சந்தித்த ஹொங்கொங் கடும் சவாலாக விளங்கியதை மறந்துவிட முடியாது.

இதே விளையாட்டரங்கில் நடைபெற்ற 50 ஓவர் ஆசிய கிண்ண கிரிக்கெட் போட்டியில் இந்தியாவுக்கும் பெரும் சவால் விடுத்து விளையாடிய ஹொங்கொங் 26 ஓட்டங்கள் வித்தியாசத்தில் தோல்வி அடைந்திருந்தது.

அப் போட்டியில் 92 ஓட்டங்களைக் குவித்த நிஸாகத் கான் தற்போது ஹொங்கொங் அணித் தலைவராக விiளாடிவருகிறார்.

அத்துடன்   இன்னும் சில சிரேஷ்ட வீரர்களும் ஹொங்கொங் அணியில் இடம் பெறுகின்றது அவ்வணிக்கு வரப்பிரசாதமாக அமையவுள்ளது.

இன்றைய போட்டியில் ஹொங்கொங் அணிக்கு இழப்பதற்கு எதுவும் இல்லை என்பதால் என்ன நேர்ந்தாலும் பரவாயில்லை என்ற எண்ணத்தில் அவ்வணி ஆக்ரோஷத்துடன் விளையாடும் என எதிர்பார்க்கப்படுகிறது.

மறுபுறத்தில் இன்றைய போட்டியில் இலகுவாக வெற்றிபெற்று சுப்பர் 4 வாய்ப்பை இந்தியா உறுதிசெய்துகொள்ளும் என நம்பப்படுகிறது.

சூரியகுமார் யாதவ் நீக்கப்பட்டு அவருக்கு பதிலாக ரிஷாப் பன்ட் இன்றைய போட்டியில் இந்திய அணியில் இணைத்துக்கொள்ளப்படவுள்ளார்.

இன்னும் சில மாற்றங்களையும் இந்தியா செய்தால் ஆச்சரியப்படுவதற்கு இல்லை.

ஹொங்கொங் அணி தனது அதிசிறந்த வீரர்களை இன்றைய போட்டியில் விளையாடவைக்கும்.

அணிகள் (பெரும்பாலும்)

இந்தியா: ரோஹித் ஷர்மா (தலைவர்), கே.எல். ராகுல், விராத் கோஹ்லி, ரிஷாப் பன்ட், தீப்பக் ஹூடா, ஹார்திக் பாண்டியா, தினேஷ் கார்த்திக், ரவிச்சந்திரன் அஷ்வின், ஆவேஷ் கான், ரவி பிஷ்னோய், அர்ஷ்தீப் சிங்.

ஹொங்கொங்: நிஸாகத் கான் (தலைவர்), பாபர் ஹயாத், யஸ்மின் முர்ட்டாஸா, கின்ச்சிட் ஸா, ஸ்கொட் மெக்கெச்னி, ஹரூன் அர்ஷாத், அய்ஸாஸ் கான், ஸீஷான் அலி, ஏஷான் கான், அயுஷ் ஷுக்லா, மொஹம்மத் கஸான்பர்.

முக்கிய செய்திகள்

icon-left
icon-right

தொடர்பான செய்திகள்

news-image

குசல் பெரேராவுக்குப் பதில் நிரோஷன் திக்வெல்ல

2024-03-01 22:47:20
news-image

ரசிகர்களை கோபமூட்டிய ரொனால்டோவுக்கு ஒரு போட்டித்தடை,...

2024-03-01 17:22:29
news-image

ஆஸி. வீரர் க்றீன் ஆட்டம் இழக்காமல்...

2024-03-01 16:18:07
news-image

டெல்ஹியின் வெற்றியில் கெப், ஜொனாசன், ஷஃபாலி...

2024-03-01 15:05:04
news-image

ஒலிம்பிக் விழாவுக்கான பாதுகாப்பு திட்டங்களைக் கொண்ட...

2024-02-29 20:04:27
news-image

பங்களாதேஷுடனான தொடர்களில் திறமையை வெளிபடுத்த முடியும்...

2024-02-29 14:55:53
news-image

பங்களாதேஷுடனான முதல் இரண்டு ரி20 போட்டிகளில்...

2024-02-28 23:55:46
news-image

பொதுநலவாய செஸ் போட்டியில் இலங்கைக்கு ஒரு...

2024-02-28 21:19:17
news-image

ஒரு நூற்றாண்டுக்கு முன் பாரிஸ் நகரில்...

2024-02-28 17:19:56
news-image

றோயல் செலஞ்சர்ஸுக்கு இலகுவான வெற்றி

2024-02-28 13:57:45
news-image

கெப், ராதா பந்துவீச்சிலும் லெனிங், ஷஃபாலி...

2024-02-27 17:50:51
news-image

சொந்த மண்ணில் தொடர்ச்சியாக வெற்றிகளைப்பெற்று அசத்தும்...

2024-02-27 16:51:10