தவறவிடாதீர்கள்..!உடனே பதிவு செய்யுங்கள்

ரஸ்யாவுடன் தொடர்ந்தும் வர்த்தக நடவடிக்கைகளில் ஈடுபட்டுள்ள அட்லாசியா நிறுவனத்திற்கு எதிராக அவுஸ்திரேலியாவில் ஆர்பாட்டங்கள் இடம்பெற்றுள்ளன.

சிட்னியில் உள்ள அட்லாசியா நிறுவனத்தின் முன்னால் உக்ரைன் ஆதரவு ஆர்ப்பாட்டக்காரர்கள் ஆர்ப்பாட்டங்களில் ஈடுபட்டனர்.

பாரிய தொழில்நுட்ப நிறுவனம் ரஸ்யாவுடனான உறவுகளை துண்டிக்கவேண்டும் என ஆர்ப்பாட்டக்காரர்கள் கோசங்களை எழுப்பினர்.

உக்ரைன் மக்கள் இறக்கினர் உங்கள் நிறுவனம் வளர்ச்சியடைகின்றது  ரஸ்யாவுடனான உறவுகளை துண்டியுங்கள் போன்ற வாசகங்கள் காணப்பட்ட பதாகைகளை ஆர்ப்பாட்டக்காரர்கள் வைத்திருந்தனர்.

ரஸ்யா யுத்த குற்றங்களில் ஈடுபடுகின்றது என்பது அனைவருக்கும் தெரிந்துள்ள போதிலும் இந்த நிறுவனம் ஏன் ரஸ்யாவுடன் உறவுகளை தொடர்கின்றது  அட்லாசிய பயங்கரவாதத்திற்கு ஆதரவளிக்கின்றது போன்ற பதாகைகளையும் காணமுடிந்தது.

பாரிய தொழில்நுட்ப நிறுவனமான அட்லாசியாவிற்கு எதிராக அதன் தலைமை அலுவலகத்தின் முன்னால் இந்த மாதம் ஆர்ப்பாட்டங்கள் இடம்பெறுவது இது இரண்டாவது தடவை என்பது குறிப்பிடத்தக்கது.

சிறிய அளவில் தொடர்ந்தும்ரஸ்யாவில் செயற்படுவோம் என அந்த நிறுவனம்அறிவித்துள்ளதை தொடர்ந்து அந்த நிறுவனத்திற்கு எதிராக ஆர்ப்பாட்டங்கள் இடம்பெறுகின்றன.