தவறவிடாதீர்கள்..!உடனே பதிவு செய்யுங்கள்

காஸ்மீரில் சமூக ஊடகங்கள் மூலம் வழிநடத்தப்படும் பயங்கரவாதம் முடிவிற்கு வந்துள்ளதுடன் அதற்கு பதில் மேலும் அதிகளவு இரகசியமான கலப்பு  கட்டம் உருவாகியுள்ளது.

  கொல்லப்பட்ட ஹிஜ்புல் முஜாஹீடிதீனின் தளபதி  புர்ஹான் வனி 2014 முதல் 2019 வரை சமூக ஊடகங்களை மிகவும் திறமையாக பயன்படுத்தினார்.

அக்காலப்பகுதியில் துப்பாக்கி ஏந்திய இளைஞர்கள் தங்கள் படங்களை சமூக ஊடகங்களில் பதிவிடுவது அவர்கள் தீவிரவாத இயக்கங்களில் இணைந்துகொண்டுள்ளனர் என்பதை தெரிவிக்கும் செய்தியாக காணப்பட்டது.

அவ்வாறான போராளிகள் கிரிக்கெட் விளையாடும் அல்லது ஆயுதப்பயிற்சி எடுக்கும்  படங்கள் வீடியோக்களை வெளியிடுவார்கள்,அவை வைரலாகும் காஸ்மீர் பள்ளத்தாக்கில் பிரபலமாகும்.

ஆனால் கடந்த இரண்டு வருடங்களாக போராளிகளின் செயற்பாடுகள் இரகசியமானவையாக காணப்படுகின்றன.

கடந்த வருடம் ஜம்முகாஸ்மீர் பொலிஸார் கலப்பு போராளிகள் என்ற சொற்பதத்தை உருவாக்கினார்கள் இதன் அர்த்தம் முகமற்ற அல்டிராஸ்கள் என்பதாகும்.

இவ்வாறான முகமற்ற  போராளிகள்  பொதுமக்களை பொலிஸாரை கொலை செய்த பின்னர் தாங்கள் எதுவும் செய்யவில்லை என்பதை காண்பிப்பதற்காக அவர்கள் தலைமறைவாகுவார்கள் என ஜம்முகாஸ்மீரின் பொலிஸ் தலைவர் தில்பாக் சிங் தெரிவி;த்துள்ளார்.

இந்த வருடம் கொல்லப்பட்ட அனேகமான பொலிஸாரும் பொதுமக்களும் இந்த வகை தீவிரவாதத்தின் உத்திக்கு பலியானவர்கள்.

கலப்பு தீவிரவாதம் என்பது பாக்கிஸ்தானின் நன்கு திட்டமிடப்பட்ட  செயற்பாடு அவர்கள் கொலைகள் இடம்பெறவேண்டும்,குற்றவாளிகள் தப்பவேண்டும் என விரும்புகின்றனர் என சிங் கடந்த மாதம் தெரிவித்தார்.

பொலிஸார் புலம்பெயர்ந்த தொழிலாளர்கள் அரசியல் செயற்பாட்டாளர்கள் போன்ற இலகுவான இலக்குகளை இலக்குவைப்பதற்காக பதின்ம வயது இளைஞர்களை எல்லைக்கு வெளியே உள்ள பயங்கரவாதத்திற்கு ஆள்சேர்ப்பவர்கள் சேர்க்கின்றனர்.

முன்னைய போராளிகளை போல இந்த இளைஞர்கள் இதுவரை சட்டத்தின் பார்வையில் சிக்காதவர்கள்.

இ;ந்த புதிய வகை கலப்பு போராளிகள் 18 வயதிற்கு உட்பட்டவர்கள் முன்னைய போராளிகள் ஏகே 47 போன்ற  ஆயுதங்களை பயன்படுத்தினார்கள் இவர்கள் கைத்துப்பாக்கி போன்றவற்றை பயன்படுத்துகின்றார்கள் எனதெரிவிக்கும் சிரேஸ்ட பொலிஸ் அதிகாரியொருவர் படுகொலைகளில் ஈடுபட்ட பின்னர் இவ்வாறானவர்கள கைதுசெய்யப்பட்டாலும் அவர்கள் சிறார் நீதிச்சட்டத்தின் கீழ் விடுதலை செய்யப்படுகின்றனர் என தெரிவிக்கின்றார்.

சிறார் நீதிச்சட்டத்தின் கீழ் படுகொலைகளிற்கான ஆகக்கூடிய தண்டனை புனர்வாழ்வு- குற்றம்சாட்டப்பட்டவர் மூன்று வருடம் கண்காணிப்பு விடுதியில் வைக்கப்படுவார்.

கடந்த பெப்ரவரியில் ஸ்ரீநகரில் கிருஸ்ணா தபா என்ற பிரபல உணவகத்தின் உரிமையாளர் மகன் ஆகாஸ் மேஹ்ரா கொல்லப்பட்ட சம்பவத்தை உதாரணத்திற்கு காண்பிக்கும் அதிகாரியொருவர் கொலைக்குற்றவாளிகளில் இருவர் சிறார்கள் அவர்கள் கைதுசெய்யப்பட்டு ஸ்ரீநகரில் உள்ள கண்காணிப்பு இல்லத்தில் தடுத்துவைக்கப்பட்டுள்ளனர் மூன்று வருட காலம் முடிவடைந்ததும் அவர்களை விடுதலை செய்யவேண்டும் என தெரிவிக்கின்றார்.