தவறவிடாதீர்கள்..!உடனே பதிவு செய்யுங்கள்

திருகோணமலை - மூதூர் பகுதியில் இன்று (20) உழவு இயந்திரமொன்று விபத்திற்குள்ளானதில் 3 பேர்  உயிரிழந்துள்ளதாக பொலிஸார் தெரிவித்தனர்.

திருகோணமலை – மட்டக்களப்பு பிரதான வீதியில் மூதூர் பாச்சனூர் 64 ஆவது கட்டைப் பகுதியில் அமைந்துள்ள கொட்டியாரம் ரஜமஹா விகாரையில் சிரமதான நிகழ்விற்காக சென்ற உழவு இயந்திரம் வீதியைவிட்டு விலகி விபத்திற்குள்ளானது.

விபத்தின் போது குறித்த உழவு இயந்திரத்தில் 21 பேர் பயணித்துள்ளதாகவும், அதில் 3 பெண்கள் உயிரிழந்துள்ளதாகவும் பலர் காயங்களுக்குள்ளாகி உள்ளதாகவும், அவர்கள் மூதூர் வைத்தியசாலையில் அனுமதிக்கப்பட்டுள்ளதாகவும் மூதூர் பொலிஸார் தெரிவித்தனர்.

உயிரிழந்தோரின் சடலம் மூதூர் வைத்தியசாலையில் வைக்கப்பட்டுள்ளதுடன் விபத்து தொடர்பில் மூதூர் பொலிஸார் விசாரணைகளை முன்னெடுத்து வருகின்றனர்.