தவறவிடாதீர்கள்..!உடனே பதிவு செய்யுங்கள்

(இராஜதுரை ஹஷான்)

சர்வக்கட்சி அரசாங்கம் தோற்றம் பெறுவது சாத்தியமற்றது. பாராளுமன்றில் அங்கம் வகிக்கும் சகல அரசியல் கட்சிகளையும் ஒன்றிணைத்து சர்வக்கட்சி அரசாங்கத்தை ஸ்தாபிக்கும் போது எதிர்க்கட்சி என்பதொன்று இல்லாமல் போகும் என்ற காரணத்தினால் எதிர்தரப்பினர் சர்வக்கட்சி அரசாங்கம் குறித்து கரிசனை கொள்ளவில்லை என பாராளுமன்ற உறுப்பினர் உதய கம்மன்பில தெரிவித்தார்.

கொழும்பில் உள்ள கம்யூனிச கட்சி காரியாலயத்தில் 17 ஆம் திகதி புதன்கிழமை மாலை இடம் பெற்ற பங்காளி கட்சிகளுடனான சந்திப்பினை தொடர்ந்து ஊடகங்களுக்கு கருத்துரைக்கையில் மேற்கண்டவாறு குறிப்பிட்டார்.

அவர் தொடர்ந்து குறிப்பிட்டதாவது,

சர்வக்கட்சி அரசாங்கம் ஒன்று அமையுமாயின் அதற்கான செயற்திட்டம் சர்வக்கட்சிகளையும் உள்ளடக்கியதாக காணப்பட வேண்டும்.

சர்வக்கட்சி அரசாங்கம் பற்றி பேச்சளவில் மாத்திரம் குறிப்பிடப்படுகிறதே தவிர கொள்கை திட்ட அடிப்படையில் எவ்வித பேச்சுவார்த்தைகளும் முன்னெடுக்கப்படவில்லை.

சர்வக்கட்சி அரசாங்கம் தொடர்பில் முறையான கொள்கை திட்டம் இதுவரை சமர்ப்பிக்கப்படவில்லை.

ஆகவே பாராளுமன்றில் அங்கம் வகிக்கும் சகல அரசியல் கட்சிகளையும் ஒன்றிணைத்து சர்வக்கட்சி அரசாங்கத்தை ஸ்தாபிப்பது சாத்தியமற்றது.மக்களின் எதிர்பார்ப்பிற்கு முரணான நிர்வாக கட்டமைப்பே தோற்றம்.

பாராளுமன்றில் அங்கம் வகிக்கும் சகல அரசியல் கட்சிகளையும் ஒன்றிணைத்து சர்வக்கட்சி அரசாங்கத்தை அமைக்கும் போது பாராளுமன்றில் எதிர்க்கட்சி என்பதொன்று இல்லாமல் போகும் என்பதால் பிரதான எதிர்க்கட்சியினர் சர்வக்கட்சி அரசாங்கம் குறித்து அவதானம் செலுத்தவில்லை.

பாராளுமன்றில் தற்போது சுயாதீனமாக செயற்படும் 10 அரசியல் கட்சிகளை ஒன்றிணைத்து எதிர்வரும் மாதம் 04ஆம் திகதி பரந்துப்பட்ட அரசியல் கூட்டணியை ஸ்தாபிக்க தீர்மானித்துள்ளோம்.எமது கூட்டணியில் எதிர்க்கட்சிகள் தாராளமாக கொள்கை அடிப்படையில் இணைந்துக்கொள்ளலாம் என்றார்.