நூல் வெளியீடும் விருது வழங்கலும்

Published By: Devika

16 Aug, 2022 | 12:47 PM

குரும்பசிட்டி ஆ.சி. நடராஜா நுண்கலைக் கல்லூரியின் ஏற்பாட்டில் கலாநிதி வலன்டீனா இளங்கோவன் அவர்களின் தலைமையில், லண்டனில் வசிக்கும் திருமதி. நிறைஞ்சனா சுரேஸ்குமார் வரைந்த சித்திரங்களைத் தொகுத்தளித்த ‘நிராவின் சித்திரங்கள்’ என்னும் நூல் யாழ்ப்பாணத்தில் கடந்த 9ஆம் திகதி வெளியிடப்பட்டது.

நிறைஞ்சனா சுரேஸ்குமார் ஆடல் கலைஞராகவும் ஊடகவியலாளராகவும் செயற்படுவதுடன், லண்டன் ஐயை குழுமப் பொறுப்பாளராகவும், உலக இலங்கை பரதநாட்டியக் கலைஞர்கள் சங்கத்தின் செயலாளராகவும், ‘மெராக்கி’ நிகழ்ச்சி ஒருங்கிணைப்பு நிறுவனத்தின் பொது முகாமையாளராகவும் கடமையாற்றுகிறார். இவரது கல்வி, கலை, சமூகப் பணிகள் பாராட்டப்பட்டு ‘கலைச்சுடர்’ விருது வழங்கி கௌரவிக்கப்பட்டார்.

இந்நிகழ்வில் ராகவீணா சுரேஸ்குமாரின் சிறப்பு நடன நிகழ்வும் இடம்பெற்றது. இவர் லண்டன் பௌர்ணமி ஆர்ட்ஸ் நடனப்பள்ளி இயக்குநர் திருமதி. மீனாட்சி ரவி அவர்களின் மாணவி என்பதும் குறிப்பிடத்தக்கது.