தவறவிடாதீர்கள்..!உடனே பதிவு செய்யுங்கள்

(இராஜதுரை ஹஷான்)

ஸ்ரீ லங்கா பொதுஜன பெரமுனவின் உயர்மட்ட பதவிகளை முழுமையாக மறுசீரமைக்க தீர்மானிக்கப்பட்டுள்ளது.அதற்கமைய எதிர்வரும் நவம்பர் மாதம் 2ஆம் திகதி இடம்பெற்ற கட்சி மாநாட்டில் இத்தீர்மானம் உத்தியோகப்பூர்வமாக அறிவிக்கப்படும்.

பொதுஜன பெரமுனவின் தவிசாளர் பேராசிரியர் ஜி.எல் பீரிஸை பதவியில் இருந்து நீக்குமாறு பொதுஜன பெரமுனவின் பெரும்பாலான உறுப்பினர்கள்  அக்கட்சியின் செயலாளர் சாகர காரியவசத்திடம் வலியுறுத்தியுள்ளனர்.

பொதுஜன பெரமுனவின் தவிசாளராக முன்னாள் பிரதமர் மஹிந்த ராஜபக்ஷவை நியமிக்குமாறும்,தேசிய அமைப்பாளராக முன்னாள் அமைச்சர் நாமல் ராஜபக்ஷவை நியமிக்கமாறும் கட்சியின் பெரும்பாலான உறுப்பினர்கள் பரிந்துரைத்துள்ளனர்.

பொதுஜன பெரமுனவின் தேசிய அமைப்பாளர் பஷில் ராஜபக்ஷ கட்சியின் முக்கிய பதவிகள் ஏதும் வகிக்காமல்,கட்சியின் ஆலோசகராக செயற்பட தீர்மானித்துள்ளதாகவும் அறிய முடிகிறது.

எதிர்வரும் வருடம் இடம்பெறவுள்ள உள்ளுராட்சிமன்ற தேர்தலை இலக்காகக் கொண்டு கட்சியின் அடுத்தக்கட்ட நடவடிக்கைகள் முன்னெடுக்கப்படவுள்ளன. எதிர்வரும் நவம்பர் மாதம் 2ஆம் திகதி கொழும்பில் இடம்பெறவுள்ள பொதுஜன பெரமுனவின் 6ஆவது வருட நிறைவு மாநாட்டில்  கட்சியின் உத்தியோகப்பூர்வமான பல தீர்மானங்கள் அறிவிக்கப்படும்