மிருகக் காட்சிசாலைகளில் பொதுவாக உயிரினங்கள் தான் காட்சிப்படுத்தப்படும். ஆனால், லண்டன் மிருகக் காட்சிசாலையில் கைப்பை ஒன்று காட்சிக்கு வைக்கப்பட்டுள்ளமை பலருக்கும் வியப்பை ஏற்படுத்தியுள்ளது.
முதலையின் தோலினால் செய்யப்பட்ட கைப்பை ஒன்று அங்கு காட்சிப்படுத்தப்பட்டுள்ளது.
தென்கிழக்காசிய பிராந்தியத்தின் சியாமிஸ் முதலை இனத்தைச் சேர்ந்த முதலையின் தோலினால் இக்கைப்பை தயாரிக்கப்பட்டுள்ளது.
2018 ஆம் ஆண்டு லண்டன் விமான நிலையத்தில் வைத்து பிரித்தானிய எல்லைப் பாதுகாப்பு அதிகாரிகளினால் இக்கைப்பை கைப்பற்றப்பட்டது.
உலகளாவிய ரீதியில் சட்டவிரோத வனவிலங்கு வியாபாரத்தினால் ஏற்படுத்தும் தாக்கங்களை வெளிப்படுத்துவதற்காக, லண்டன் மிருகக் காட்சிசாலையிடம் அக்கைப்பையை அதிகாரிகள் வழங்கினர். அதன்பின் அங்கு இக்கைப்பையும் காட்சிக்கு வைக்கப்பட்டுள்ளது.
பல வருடங்களாக இக்கைப்பை அங்கு காட்சிப்படுத்தப்பட்டுள்ள போதிலும் அண்மையில் இது தொடர்பாக டுவிட்டரில் புகைப்படமொன்று வெளியானதையடுத்து இவ்விடயம் பலரின் கவனத்தை ஈர்த்துள்ளது.
மேற்படி மிருகக் காட்சிசாலையில் உயிருள்ள சியாமிஸ் முதலைகள் இல்லை என்பது குறிப்பிடத்தக்கது.
வேட்டையாடப்படுவதன் காரணமாக, உலகில் இந்த முதலையினம் அருகி வருவதாகவும், தற்போது உலகில் சுமார் 500 – 1000 எண்ணிக்கையிலான இந்த ரக முதலைகளே உள்ளதாகவும் மதிப்பிடப்பட்டுள்ளது.
லண்டன் மிருகக் காட்சிசாலையைச் சேர்ந்த, நகருயிர்கள் தொடர்பான நிபுணர் கலாநிதி பென் டெப்லே. இது தொடர்பாக கூறுகையில், “அற்புதமான மிருகங்களை இங்கு வைத்திருப்பது சிறப்பானது. ஆனால், இக்கைப்பை பலரின் கண்களை ஈர்த்துள்ளது. இங்கு வருபவர்களுக்கு இது குறித்து அறிவூட்டவும் அதை பேசுபொருளாக்கவும் நாம் விரும்பினோம். இந்த சட்டவிரோத வர்த்தகத்தை வெளிச்சத்துக்கு கொண்டுவரும் எதுவும் சிறந்தது தான்” எனத் தெரிவித்துள்ளார்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM