(இங்கிலாந்தின் பேர்மிங்ஹாமிலிருந்து நெவில் அன்தனி)
இங்கிலாந்தின் பேர்மிங்ஹாமில் நடைபெற்றுவரும் 22ஆவது பொதுநலவாய விளையாட்டு விழாவில் ஆண்களுக்கான 100 மீற்றர் ஓட்டப் போட்டியில் இலங்கை வீரர் யுப்புன் அபேகோன் வெண்கலப் பதக்கம் வென்று வரலாறு படைத்தார்.
இதன் மூலம் 92 வருட பொதுநலவாய விளையாட்டு விழா வரலாற்றில் 100 மீற்றர் ஓட்டப் போட்டியில் இலங்கைக்கு முதலாவது பதக்கத்தை வென்று கொடுத்த வரலாற்றுச் சாதனையை யுப்புன் அபேகோன் தனதாக்கிக்கொண்டார்.
அத்துடன் 24 வருடங்களின் பின்னர் இலங்கைக்கு மெய்வல்லுநர் போட்டியில் பதக்கம் ஒன்று கிடைத்திருப்பது இதுவே முதல் தடவையாகும்.
சிறியானி குலவன்ச, சுகத் திலக்கரட்ன ஆகிய இருவரே இலங்கை சார்பாக மெய்வல்லுநர் போட்டிகளில் கோலாலம்பூர் 1998 பொதுநுலவாய விளையாட்டு விழாவில் கடைசியாக பதக்கங்களை வென்றவர்களாவர்.
அலெக்ஸாண்டர் விளையாட்டரங்கில் இன்று இரவு (இலங்கை நேரப்படி வியாழக்கிழமை அதிகாலை 2.00 மணி) நடைபெற்ற இறுதிப் போட்டியை 10.14 செக்கன்களில் நிறைவு செய்த யுப்புன் அபேகோன் 3ஆம் இடத்தைப் பெற்று வெண்கலப் பதக்கத்தை வென்றெடுத்தார்.
இறுதிப் போட்டியில் பங்குபற்ற தகுதிபெற்ற 8 மெய்வல்லுநர்களின் நேரப் பெறுதிகளின் பிரகாரம் யுப்புன் அபேகோன் 8ஆவது இடத்தில் இருந்தவாறே இறுதிப் போட்டியை எதிர்கொண்டார்.
ஆனால், ஆரம்பம் முதல் கடைசி வரை முழு வீச்சில் ஓடிய யுப்புன் அபேகோன் 3ஆம் இடத்தை உறுதி செய்தார்.
அப் போட்டியில் கென்ய வீரர் பேர்டினண்ட் ஒமன்யாலா (10.02 செக்) தங்கப் பதக்கத்தை சுவீகரித்தார்.
தென் ஆபிரிக்க வீரர் அக்கானி சிம்பைன் (10.13 செக்.) வெள்ளிப் பதக்கத்தை வென்றெடுத்தார்.
பரா மெய்வல்லுநர் போட்டியில் இலங்கைக்கு வெள்ளிப் பதக்கம்
பரர மெய்வல்லுநர் போட்டியில் ஆண்களுக்கான F 42-44/61-64 பிரிவு தட்டெறிதல் போட்டியில் இலங்கையின் மாற்றுத்திறனாளி எச்.ஜீ. பாலித்த வெள்ளிப் பதக்கத்தை வென்றெடுத்தார்.
தட்டெறிதல் போட்டியில் F42-44 பிரிவில் பங்குபற்றிய அவர் 44.20 மீற்றர் தூரத்திற்கு தட்டை எறிந்து இரண்டாம் இடத்தைப் பெற்று வெள்ளிப் பதக்கத்தை சுவீகரித்தார்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM