137 கோடி டொலர் ஜக்பொட் பரி­சுக்­கு­ரிய லொத்தர் வெற்­றிச்­சீட்டு விற்­ப­னை­யா­கியது

By Vishnu

01 Aug, 2022 | 01:00 PM
image

அமெ­ரிக்­காவில் 137 கோடி (1.37பில்­லியன்) டொலர் மெகா மில்­லியன்ஸ் ஜக்பொட் பரி­சுக்­கு­ரிய வெற்றி லொத்தர் சீட்டு விற்­னை­யா­கி­யுள்­ள­தாக அறி­விக்­கப்­பட்­டுள்­ளது. 

கடந்த வெள்­ளிக்­கி­ழமை இந்த லொத்தர் குலுக்கல் நடை­பெற்­றது.  இதன் வெற்றி இலக்­கங்­க­ளாக 13, 36, 45, 57, 67 ஆகி­ய­னவும் மெகா போல் இலக்­க­மாக 14 ஆகவும் இருந்­தன.

இந்த இலக்­கங்­களைக் கொண்ட லொத்தர் சீட்டு இலினோய்ஸ் மாநி­லத்தில் விற்­ப­னை­யா­கி­யுள்­ளது என மெகா மில்­லியன்ஸ் லொத்தர் நிறு­வனம் தெரி­வித்­துள்­ளது.

இந்த ஜெக்பொட் லொத்தர் சீட்டு விற்­ப­னை­யா­கு­வ­தற்­கான நிகழ்­த­கவு வாய்ப்பு 300 மில்­லி­யன்­களில் ஒன்று என நிபு­ணர்கள் கணித்­தி­ருந்­தனர்

கடந்த வெள்­ளிக்­கி­ழ­மைக்­கு­ரிய ஜக்பொட் பரிசு முன்னர் கணிப்­பி­டப்­பட்­ட­தை­விட அதி­க­ரித்­தி­ருந்­தது. அதிக சீட்­டுகள் விற்­ப­னை­யா­கி­ய­மையே இதற்­கான காரணம்.

இந்த ஜெக்பொட் பரிசுப் பணத்தை இரு விதங்­களில் பெற முடியும். அதா­வது ஒரே தட­வையில் 780.05 மில்­லியன் (78 கோடி) டொலர்­களைப் பெறலாம். அல்­லது 137.7 கோடி டொலர்­களை 29 வரு­டங்­களில் தவணை முறையில் பெறலாம். 

இந்த பரிசு வென்­றவர் அது குறித்து அறி­வித்­த­தாக நேற்­று­வரை தகவல் வெளி­யா­க­வில்லை. 

டேஸ் பிளெய்ன்ஸ் நக­ரி­லுள்ள எரி­பொருள் நிலை­ய­மொன்றில் இந்த சீட்டு விற்­ப­னை­யா­கி­யுள்­ள­தாக அறி­விக்­கப்­பட்­டுள்­ளது.

சில­வேளை இப்­ப­ரிசை வென்­றவர் யார் என்­பது பகி­ரங்­க­மாக தெரி­ய­வ­ரா­ம­லேயே போகலாம். 

ஏனெனில், இத்­த­கைய பெருந்­தொகை பரிசை வென்­ற­வர்கள், தமது பெயர், முக­வ­ரியை இர­க­சி­ய­மாக வைத்­தி­ருக்க இலினோய்ஸ் மாநில சட்டம் அனு­ம­திக்­கி­றது. 

இது தொடர்­பாக மெகா மில்­லியன்ஸ் இலினோய்ஸ் மாநில பணிப்­பாளர் ஹலோல்ட் மேய்ஸ் கூறு­கையில், 'வெற்­றி­யீட்­டி­யவர் எம்­முடன் இது­வரை தொடர்­பு­கொள்­ள­வில்லை. இப்­பெ­ருந்­தொகை பரிசை வென்­றவர் அது குறித்து அறிந்­தி­ருக்­கி­றாரா என்­பதும் தெரி­ய­வில்லை. எனவே லொத்தர் சீட்டு வாங்­கி­ய­வர்கள் தமது சீட்டு இலக்­கங்­களை வெற்றி இலக்­கங்­க­ளுடன் ஒப்­பிட்டு பார்த்­துக்­கொள்­ளுங்கள்' எனக் கூறி­யுள்ளார்.

1996 ஆம் ஆண்டு மெகா மில்­லியன்ஸ் ஜக்பொட் பரிசு ஆரம்­பிக்­கப்­பட்­டது.

தலா 2 டொலர் விலையில் மெகா மில்­லியன்ஸ் லொத்தர் சீட்­டுகள் விற்­பனை செய்­யப்­ப­டு­கின்­றன. அமெ­ரிக்­காவின் 45 மாநி­லங்கள், தலை­நகர் வொஷிங்டன் டிசி­யிலும் வேர்ஜின் தீவு­க­ளிலும் மெகா மில்­லியன்ஸ் லொத்தர் சீட்­டுகள் விற்­பனை செய்­யப்­ப­டு­கின்­றன.  

நெவேடா, உட்டா, அல­பாமா, அலாஸ்கா, ஹவாய் மாநி­லங்­களில் மெகா மில்­லியன்ஸ் லொத்தர் சீட்­டுகள் விற்­பனை செய்­யப்­ப­டு­வ­தில்லை.

மெகா மில்­லியன்ஸ் லொத்தர் வர­லாற்றில் இரண்­டா­வது மிகப் பெரிய பரிசுத் தொகை இது­வாகும்.

2018 ஆம் ஆண்டு வெல்­லப்­பட்ட 1.547 பில்­லியன் தொகை இது­வரை வெல்­லப்­பட்ட ஆகக்­கூ­டு­த­லான மெகா மில்­லியன்ஸ் ஜக்பொட் பரி­சாகும். தென் கரோ­லினா மாநி­லத்தில் மேற்­படி லொத்தர் பரி­சுச்­சீட்டு வெல்­லப்­பட்­டி­ருந்­தது.

இறு­தி­யாக மெகா மில்­லியன்ஸ் ஜக்பொட் பரிசு கடந்த ஏப்ரல் மாதம் வெல்­லப்­பட்­டி­ருந்­தது. டென்­னஸி மாநி­லத்தில் அந்த சீட்டு விற்­ப­னை­யா­கி­யி­ருந்­தது. அதன்பின் ஜக்பொட் பரிசு வெல்­லப்­ப­டாமல் பரிசுத் தொகை அதி­க­ரித்துச் சென்­றதால், மெகா மில்­லியன்ஸ் லொத்தர் டிக்­கெட்டை வாங்­கு­வ­தற்கு  அமெ­ரிக்­கர்கள் பெரும் ஆர்வம் காட்டி வந்­தனர்.

50,000 ஊழி­யர்­க­ளுக்கும் லொத்­தர்­சீட்டு வாங்கிக் கொடுத்த  நிறு­வனம்

அமெ­ரிக்கா முழு­வதும் தனது கிளை­களைக் கொண்­டுள்ள ரைசிங் கேன்ஸ் எனும் உணவு விடுதி நிறு­வ­னத்தின் 50,000 ஊழி­யர்­க­ளுக்கும் கடந்த செவ்­வாய்க்­கி­ழமை குலுக்­க­லுக்­கான தலா ஒரு மெகா மில்­லியன்ஸ் லொத்தர் சீட்டை வாங்­கிக்­கொ­டுப்­ப­தற்கு பிர­தம நிறை­வேற்று அதி­காரி டொட் கிரேவ்ஸும் இணை பிர­தம நிறை­வேற்று அதி­காரி ஏ.ஜே.கும­ரனும் நட­வ­டிக்கை மேற்­கொண்­டனர். 

இதற்­காக ஒரு லட்சம் டொலர்­களை இந்­நி­று­வனம் செல­விட்­டது. செவ்­வாய்க்­கி­ழமை குலுக்­க­லுக்­கான ஜக்பொட் பரிசுத் தொகை 80 கோடி டொலர்­க­ளாக இருந்­தது. அன்­றைய தினம் ஜக்பொட் பரிசு கிடைத்து அதை ஒரே தட­வையில் பெறு­வ­தானால் வரிகள் போக,  48 கோடி டொலர் கிடைத்­தி­ருக்கும். அந்த பரி­சுத்­தொகை மேற்­படி 50,000 லொத்தர் சீட்­டு­களில் ஒன்­றுக்கு கிடைத்தால் அப்­ப­ரிசுத் தொகை ஊழி­யர்­க­ளி­டையே சம­மாக பகிர்ந்­த­ளிக்­கப்­படும் என அறிவிக்கப்பட்டிருந்தது 

செவ்வாய்க்கிழமை குலுக்களில் குறிப்பி டத்தக்க பரிசு எதுவும் கிடைக்கவில்லை. அதனால் கடந்த வெள்ளிக்கிழமை குலுக்கலுக்காக மேலும் அதிகமான லொத்தர் சீட்டுகளை ரைசிங் கேன்ஸ் நிறுவனம் ஊழியர்களுக்கு வாங்கிக் கொடுத்தது. இம்முறை பரிசு எதுவும் கிடைத்ததா என்பது உடனடியாக தெரியவரவில்லை.

முக்கிய செய்திகள்

icon-left
icon-right