தவறவிடாதீர்கள்..!உடனே பதிவு செய்யுங்கள்

யாழில் நீண்ட இடைவெளிக்குப் பின்னர் கொரோனா தொற்றால் முதியவர் ஒருவர் உயிரிழந்துள்ளார்.

யாழ். வடமராட்சி பகுதியை சேர்ந்த 91 வயதான முதியவர் கடந்த 21 ஆம் திகதி சுகவீனம் காரணமாக பருத்தித்துறை ஆதார வைத்திய சாலையில் அனுமதிக்கப்பட்டிருந்தார்.

இந்நிலையில் அவருக்கு கொரோனா தொற்றும் உறுதியாகி இருந்த நிலையில் கடந்த சனிக்கிழமை சிகிச்சை பலனின்றி உயிரிழந்துள்ளார். 

தற்போது நாடளாவிய ரீதியில் கொரோனா தொற்று பரவும் வீதம் நாளுக்கு நாள் அதிகரித்துள்ளதுடன் கொரோனா மரணங்களும் பதிவாகி வருகின்றமை குறிப்பிடத்தக்கது.

நேற்று முன்தினம் 3 கொவிட் மரணங்கள் பதிவாகியிருந்ததாக நேற்றையதினம் சுகாதார அமைச்சு விடுத்திருந்த அறிக்கையில் குறிப்பிடப்பட்டிருந்தது.