அவசர கால சட்டத்துக்கு எதிராக உரிமை மீறல் மனு : அம்பிகா தாக்கல் : இடைக்கால தடை உத்தரவும் கோரல் 

By Vishnu

29 Jul, 2022 | 08:16 PM
image

( எம்.எப்.எம்.பஸீர்)

பொதுமக்கள் பாதுகாப்பு கட்டளை சட்டத்தின் கீழ் ஜனாதிபதியால் வெளியிடப்பட்டுள்ள அவசரகால சட்ட அமுலாக்கத்திற்கான  2289/07 ஆம் இலக்க வர்த்தமானியை வலுவிழக்க செய்வதற்கான உத்தரவை பிறப்பிக்குமாறு கோரி உயர் நீதிமன்றத்தில் அடிப்படை உரிமை மனுவொன்று தாக்கல் செய்யப்பட்டுள்ளது.

இலங்கை மனித உரிமைகள் ஆணைக்குழுவின் முன்னாள் ஆணையாளரான சட்டத்தரணி அம்பிகா சற்குணநாதன் இந்த மனுவை 28 ஆம் திகதி தாக்கல் செய்துள்ளார்.

ஜனாதிபதிக்கு பதிலாக  சட்டமா அதிபர்,  ஜனாதிபதி செயலாளர் முன்னாள் காமினி செனரத், தற்போதைய ஜனாதிபதி செயலாளர் சமன் ஏக்கநாயக்க, பாதுகாப்பு செயலாளர் ஓய்வுபெற்ற ஜெனரல் கமல் குணரத்ன ஆகியோரை பிரதிவாதிகளாக பெயரிட்டே அவர் இம்மனுவை தாக்கல்ச் செய்துள்ளார்.

அவசரகால சட்டத்தை அமுல்படுத்தியுள்ளமையால், அரசியலமைப்பில் உறுதி செய்யப்பட்டுள்ள அடிப்படை உரிமை மீறப்பட்டுள்ளதாக தீர்ப்பளிக்குமாறு மனுதாரர் உயர் நீதிமன்றத்தில் கோரிக்கை விடுத்துள்ளார்.

பொதுமக்கள் பாதுகாப்பு  கட்டளை சட்டத்தின் கீழ், கடந்த 17 ஆம் திகதி நாடளாவிய ரீதியில் ஜனாதிபதியினால் அமுல்படுத்தப்பட்ட அவசரகால சட்டம் சட்டவிரோதமாக கைது செய்தல், தடுத்து வைத்தல், சித்திரவதைக்குள்ளாக்குதல் போன்ற செயற்பாடுகளுக்கு வழி சமைப்பதாக எடுத்துக்கூறியுள்ள முறைப்பாட்டாளர், கடந்த 22 ஆம் திகதி காலி முகத்திடலில் ஆயுதமேந்திய படையினர் செயற்பட்ட விதம் அதற்கான எடுத்துக்காட்டு எனவும் மனுதாரர் சுட்டிக்காட்டியுள்ளார்.

அவசரகால  நிலை பிரகடனத்தில்  குறிப்பிடப்பட்டுள்ள 9,11,12,13,14,15,17,18,20,21,26,34,36,37 ஆகிய பிரிவுகள் அரசியலமைப்புக்கு முரணானது என மனுவில் மனுதாரர் குறிப்பிட்டுள்ளார்.

குறித்த அவசர கால  நிலை பிரகடன வர்த்தமானியானது, அரசியலமைப்பு ஊடாக உருதி செய்யப்பட்டுள்ள அடிப்படை உரிமைகளான  அரசியலமைப்பின் 10,11,12(1), 12(2), 13(1), 13 (2),13 (3), 13(4), 13(5),14 A, 14(1)அ, 14(1) ஆ, 14(1)ஈ, 14(1) எ, 14(1)ஏ ஆகிய  உறுப்புரைகளை மீறுவதகாவௌய்ம் அத்துடன் அரசியலமைப்பின் 4 (ஊ), 111 இ உறுப்புரைகளுக்கு முரணாக அவை அமைந்துள்ளதாகவும் மனுதாரர் சுட்டிக்காட்டியுள்ளார்.

அதனால் ஜனாதிபதியால் வெளியிடப்பட்டுள்ள அவசரகால கட்டளைகள் அடங்கிய வர்த்தமானியை இடைநிறுத்துவதற்கான இடைக்கால உத்தரவை பிறப்பிக்குமாறும்  மனுதாரர் சட்டத்தரணி அம்பிகா சற்குணநாதன்  மனுவூடாக கோரிக்கை விடுத்துள்ளார்.

குறித்த சட்டத்தினூடாக ஜனாதிபதி அல்லது ஜனாதிபதியால் அதிகாரமளிக்கப்ப்ட்ட  அதிகாரியால் மேலதிக கட்டளைகள் பிறப்பிக்கப்படுவதை தடுத்து, இடைக்கால உத்தரவு பிறப்பிக்குமாறும் இலங்கை சட்டத்தரணி அம்பிகா சற்குணநாதன் உயர் நீதிமன்றத்தில்  இம்மனுவூடாக மேலும் கோரியுள்ளார்.

முக்கிய செய்திகள்

icon-left
icon-right

தொடர்பான செய்திகள்

news-image

புகையிரத திணைக்கள காணிகளை சட்டவிரோதமாக உபயோகிப்போருக்கு...

2022-10-05 16:44:13
news-image

பல்கலைக்கழகங்களில் வன்முறைக்கு இடமளிக்க முடியாது -...

2022-10-05 16:45:38
news-image

ஆதாரங்களை சேகரிக்கும்பொறிமுறையை- சர்வதேச விசாரணை பொறிமுறையாக...

2022-10-05 16:52:42
news-image

பேருவளை- தர்காநகர் பகுதிகளில் நுகர்வுக்குப் பொருத்தமில்லாத...

2022-10-05 16:35:06
news-image

காத்தான்குடியில் 15 வயது சிறுமியை பாலியல்...

2022-10-05 16:19:31
news-image

கொழும்பு - கிராண்ட்பாஸ் துப்பாக்கிச்சூட்டு :...

2022-10-05 16:15:06
news-image

தொலைபேசிக் கட்டணம் இன்று முதல் அதிகரிக்கும்

2022-10-05 16:38:33
news-image

நவீன தொழில்நுட்பங்களை கற்றுக்காெள்ளுமாறு சபாநாகருக்கு அறிவுரை...

2022-10-05 14:40:02
news-image

5 மணிநேர நடவடிக்கையின் பின் பாதுகாப்பாக...

2022-10-05 16:36:12
news-image

சட்டவிரோத மீன்பிடி நடவடிக்கைக்கு எதிராக முல்லைத்தீவில்...

2022-10-05 13:25:41
news-image

சர்வதேச அழுத்தம் மூலம் தமிழர்களுக்கு தேவையானவற்றை...

2022-10-05 15:54:54
news-image

பாரிய மனித உரிமை மீறல்கள் குறித்த...

2022-10-05 13:10:41