(எம்.மனோசித்ரா)
ஐக்கிய நாடுகள் சபையின் மனித உரிமைகள் தொடர்பில் இலங்கையின் பொறுப்புக்கூறல், மனித உரிமைகளுக்கு இணங்க செயற்படுதல் உள்ளிட்ட முக்கிய விடயங்கள் தொடர்பில் ஜனாதிபதி ரணில் விக்கிரமசிங்க மற்றும் இலங்கைக்கான பிரித்தானிய உயர்ஸ்தானிகர் ஆகியோருக்கிடையில் கலந்துரையாடப்பட்டுள்ளது.
ஜனாதிபதி ரணில் விக்கிரமசிங்க மற்றும் இலங்கைக்கான பிரித்தானிய உயர்ஸ்தானிகர் சாரா ஹல்டன் ஆகியோருக்கிடையில் 28 ஆம் திகதி வியாழக்கிழமை இடம்பெற்ற சந்திப்பின் போதே இவ்விடயம் தொடர்பில் அவதானம் செலுத்தப்பட்டது.
இதன் போது ஜனாதிபதிக்கு தனது வாழ்த்துக்களைத் தெரிவித்த உயர்ஸ்தானிகர் ஹல்டன், பல்வேறு விடயங்கள் தொடர்பாக விரிவான கலந்துரையாடலிலும் ஈடுபட்டார்.
பொருளாதார மீட்சி மற்றும் அரசியல் ஸ்திரத்தன்மைக்காக அரசாங்கம் எடுத்துள்ள நடவடிக்கைகள் குறித்து ஜனாதிபதி ரணில் விக்கிரமசிங்க உயர்ஸ்தானிகருக்கு விளக்கமளித்தார்.
ஐக்கிய நாடுகள் சபையின் மனித உரிமைகள் தொடர்பில் இலங்கையின் பொறுப்புக்கூறல், மனித உரிமைகளுக்கு இணங்க செயற்படுதல் உள்ளிட்ட பல்வேறு விடயங்கள் குறித்தும் இங்கு கலந்துரையாடப்பட்டது.
இலங்கைக்கும் பிரித்தானியாவுக்கும் இடையிலான உறவுகளை வலுப்படுத்துவதே தமது விருப்பம் என்று ஜனாதிபதி ரணில் விக்கிரமசிங்க , குறிப்பிட்டதுடன் அதற்கு பூரண ஆதரவை வழங்குவதாக உயர்ஸ்தானிகர் உறுதியளித்தார்.
இதே வேளை இந்த சந்திப்பு தொடர்பில் தனது டுவிட்டர் பக்கத்தில் பதிவிட்டுள்ள பிரித்தானிய உயர்ஸ்தானிகர் , 'பிரித்தானியா - இலங்கைக்கு இடையிலான உறவை அமைதியானதும் ஜனநாயகமானதுமான சூழலுக்குள் வலுப்படுத்த எதிர்பார்க்கின்றோம்.
ஜனாதிபதியுடனான இந்த விரிவான கலந்துரையாடலானது , ஐக்கிய நாடுகள் மனித உரிமைகள் பேரவையின் செயன்முறைக்கமைய இலங்கையில் மனித உரிமைகளின் முக்கியத்துவத்தை வலியுறுத்துவதாக அமைந்தது.' என்று குறிப்பிட்டுள்ளார்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM