தவறவிடாதீர்கள்..!உடனே பதிவு செய்யுங்கள்

நாட்டின் கொவிட் 19 நிலைமையைக் கருத்திற்கொண்டு, முகக்கவசம் அணியுமாறு பொதுமக்களுக்கு கடுமையாக பரிந்துரைப்பதாக சுகாதார அமைச்சு தெரிவித்துள்ளது.

சுகாதார சேவைகள் பணிப்பாளர் நாயகம் வைத்தியர் அசேல குணவர்தனவின் ஆலோசனையின் பேரில் சுகாதார அமைச்சு இந்த பரிந்துரையை விடுத்துள்ளது.

இதன்படி, உள்ளக இடங்கள், பொது ஒன்றுகூடல்களில் இருக்கும்போதும், பொதுப்போக்குவரத்து சேவைகளை பயன்படுத்தி பயணங்களில் ஈடுபடும்போதும் முகக்கவசம் அணியுமாறு பொதுமக்களை சுகாதார அமைச்சு கோரியுள்ளது.

இலங்கையில் கொவிட்19 தொற்றாளர்களின் எண்ணிக்கை பல மாதங்களின் பின்னர் மீண்டும் அதிகரித்து வருகின்றதை சுகாதார அமைச்சின் தொற்றுநோயியல் பிரிவின் புள்ளிவிபரங்கள் தெரிவிக்கின்றன.

இதேவேளை, கடந்த 10 நாட்களில் நாட்டில் 500 க்கும் அதிகமான கொவிட் தொற்றாளர்கள் அடையாளப்படுத்தப்பட்ட நிலையில், நேற்று 25 ஆம் திகதி திங்கட்கிழமை மாத்திரம் 75 புதிய கொவிட் தொற்றாளர்கள் அடையாளப்படுத்தப்பட்டமை குறிப்பிடத்தக்கது.

இந்நிலையிலேயே நாட்டின் தற்போதைய கொவிட்-19 பரவலை கருத்திற் கொண்டு மீண்டும் முகக்கவசங்களை அணியுமாறு சுகாதார அமைச்சு கடுமையாக பரிந்துரையை முன்வைத்துள்ளது.