தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

ரஷ்யா - இலங்கைக்கு இடையிலான உறவுகளை மேலும் வலுப்படுத்துவதற்கு புதிய ஜனாதிபதி ரணில் விக்கிரமசிங்கவின் ஒத்துழைப்புக்களை எதிர்பார்ப்பதாக ரஷ்ய ஜனாதிபதி விளாமிர் புட்டின் தெரிவித்துள்ளார்.

ஜனாதிபதி ரணில் விக்கிரமசிங்கவிற்கு அனுப்பி வைத்துள்ள வாழ்த்து கடிதத்திலேயே அவர் இவ்வாறு நம்பிக்கை வெளியிட்டுள்ளார். 

இலங்கைக்கான ரஷ்ய தூதுவர் நேற்று திங்கட்கிழமை ஜனாதிபதி ரணில் விக்கிரமசிங்கவை சந்தித்துள்ளார். இந்த சந்திப்பின் போதே ரஷ்ய ஜனாதிபதி விளாடிமிர் புட்டினுடைய வாழ்த்து கடிதத்தினையும் கையளித்துள்ளார்.

ஜனாதிபதி ரணில் விக்ரமசிங்கவிற்கு ரஷ்ய ஜனாதிபதி அனுப்பியுள்ள கடிதத்தில், இரு நாடுகளுக்கும் இடையிலான உறவுகளை மேலும் வலுப்படுத்துவதற்கு ரஷ்ய ஜனாதிபதி நம்பிக்கை வெளியிட்டுள்ளார்.

'ரஷ்ய மக்களின் நலன்களுக்காகவும், பிராந்திய ஸ்திரத்தன்மை மற்றும் பாதுகாப்பை வலுப்படுத்தும் நலனுக்காகவும் பல்வேறு துறைகளில் ஆக்கபூர்வமான இருதரப்பு ஒத்துழைப்பை மேலும் மேம்படுத்துவதற்கு அரச தலைவர் என்ற முறையில் உங்களது செயல்பாடுகளை நான் எதிர்பார்க்கிறேன்' என்று ரஷ்ய ஜனாதிபதி விளாடிமிர் புடின் அவரது கடிதத்தில் மேலும் குறிப்பிட்டுள்ளார்.