தவறவிடாதீர்கள்..!உடனே பதிவு செய்யுங்கள்

(எம்.ஆர்.எம்.வசீம்)

அரசியல் ஸ்திரத்தன்மையை விரைவாக ஏற்படுத்துவதுடன் அரசியலமைப்பின் 22ஆம் திருத்தத்தை பாராளுமன்றத்துக்கு சமர்ப்பித்து அனுமதித்துக்கொள்வோம் என நீதி அமைச்சர் விஜேதாச ராஜபக்ஷ் தாய்லாந்துக்கான இலங்கை தூதுவரிடம் எடுத்துக்கூடியுள்ளார்.

இலங்கைக்கான தாய்லாந்து தூதுவர் போஜ் ஹான்போல் நீதி, சிறைச்சாலைகள் மற்று்ம் அரசியலமைப்பு மறுசீரமைப்பு அமைச்சர் விஜேதாச ராஜபக்ஷ்வை  இன்று நீதி அமைச்சில் சந்தித்து கலந்துரையாடினார்.

இதன்போது இரண்டு நாடுகளுக்கிடையில் நீண்டகாலமாக இடம்பெற்றுவரும் பொருளாதாரம், அரசியல் மற்றும் கலாசார ஒத்துழைப்புகளை மேலும் அதிகரிப்பது தொடர்பாக கவனம் செலுத்தப்பட்டது.

புதிய ஜனாதிபதியின் தலைமையில் இலங்கையில் அரசியல் ஸ்திரதத்தன்மையை ஏற்படுத்துதல் மற்றும் பொருளாதாரத்தை இயல்புநிலைக்கு கொணடுவருவரும் நடவடிக்கை விரைவாக மேற்கொள்ளப்படும்.

அத்துடன் அரசியலமைப்பின் 22ஆம் திருத்தத்தை பாராளுமன்றத்துக்கு சமர்ப்பித்து அனுமதித்துக்கொள்ள நடவடிக்கை எடுத்து வருகின்றோம் என அமைச்சர் தூதுவருக்கு எடுத்துக்கூறினார்.

அத்துடன் 2016ஆம் ஆண்டும் தாய்லாந்தில் இடம்பெற்ற ஐக்கிய நாடுகளின் சர்வதேச வெசாக் விழாவின் பிரதான உரையை ஆற்றுவதற்கு தனக்கு சந்தர்ப்பம் கடைத்தது என்றும் 2017இல் அந்த விழா இலங்கையில் இடம்பெற்றபோது, தாய்லாந்து அதற்காக பாரியளவில் ஒத்துழைப்பை வழங்கியதாவும் அமைச்சர் இதன்போது ஞாபகப்படுத்தினார்.

மேலும் பௌத்த உபசம்பதத்தை மீண்டும் இந்த நாட்டுக்கு பெற்றுக்கொடுப்பதற்கு நடவடிக்கை எடுப்பதன் மூலம் பௌத்த மதத்தை மீண்டும் கட்டியெழுப்புவதற்காகவும் தற்காலத்தில் இலங்கையில் பொருளாதாரம் மற்றும் மத கலாசார அபிவிருத்திக்காகவும் தாய்லாந்து பெற்றுத்தரும் ஒத்துழைப்பையும் அமைச்சர் நினைவுபடுத்தினார்.

இலங்கையில் தற்போது ஏற்பட்டிருக்கும் பிரச்சினைக்குரிய நிலைமைகள் நிறைவடைந்து பொருளாதார ஸ்திரத்தன்மை ஏற்படும் என எதிர்பார்க்கின்றோம்.

அதற்காக ராஜதந்திர ரீதியில் முடியுமான உதவிகளை பெற்றுத்தர தயாராக இருக்கின்றோம் என இதன்போது தாய்லாந்துக்கான தூதுவர் குறிப்பிட்டதாக நீதி அமைச்சு விடுத்துள்ள அறிக்கையில் தெரிவிக்கப்பட்டுள்ளது.