தவறவிடாதீர்கள்..!உடனே பதிவு செய்யுங்கள்

(எம்.வை.எம்.சியாம்)

நாட்டின் இருவேறு பகுதியில் எரிபொருள் பெற்றுக் கொள்வதற்காக வரிசையில் காத்திருந்த இருவர் உயிரிழந்துள்ளனர். நேற்று (22) அவர்கள் உயிரிழந்துள்ளதாக பொலிஸார் தெரிவித்துள்ளனர்.

மத்துகம

மத்துகம பெலவத்த எரிபொருள் நிரப்பு நிலையத்தில் எரிபொருள் பெற்றுக் கொள்வதற்காக வரிசையில் காத்திருந்த நபரொருவர்  திடீர் சுகயீனமுற்ற நிலையில் மீகஹதென்ன வைத்தியசாலையில் அனுமதிக்கப்பட்டதன் பின்னர் சிகிச்சை பலனின்றி உயிரிழந்துள்ளார். இவ்வாறு உயிரிழந்தவர் வல்லல்விட்ட பிரதேசத்தைச் சேர்ந்த 70 வயதுடைய நபர் ஒருவராவார்.

கிண்ணியா

திருகோணமலை-கிண்ணியா ஐ.ஓ.சி எரிபொருள் நிரப்பு நிலையத்தில் மோட்டார்சைக்களுக்கு எரிபொருள் பெற்று கொள்ள வரிசையில் காத்திருந்தவர் திடீர் உடல்நலக் குறைவால் வைத்தியசாலையில் அனுமதிக்கப்பட்டதன் பின்னர் சிகிச்சை பலனின்றி உயிரிழந்துள்ளார்.

தொடர்ச்சியாக இரண்டு நாட்கள் தனது மோட்டார்சைக்களுக்கு எரிபொருள் பெற்றுக் கொள்வதற்காக வரிசையில் காத்திருந்த போது  உடல் நலக்குறைவினால் உயிரிழந்துள்ளார்.  உயிரிழந்தவர் 59 வயதுடைய ஒருவராவார்.

சம்பவங்கள் தொடர்பில் பொலிஸார் மேலதிக விசாரணைகளை முன்னெடுத்துள்ளனர்.