விருதுகளை அள்ளி குவித்த சூர்யாவின் 'சூரரை போற்று' - நன்றி தெரிவித்த சூர்யா

Published By: Digital Desk 5

23 Jul, 2022 | 12:43 PM
image

நடிகர் சூர்யாவின் நடிப்பில் வெளியான  'சூரரை போற்று' திரைப்படத்திற்கு சிறந்த நடிகர், சிறந்த தமிழ் படம் உள்ளிட்ட ஐந்து தேசிய விருதுகள் கிடைத்திருக்கிறது. 

கடந்த 2020 ஆம் ஆண்டிற்கான தேசிய விருதுகள் அறிவிக்கப்பட்டிருக்கிறது. இதில் சிறந்த நடிகராக 'சூரரைப் போற்று' படத்தில் நடித்த நடிகர் சூர்யாவும், சிறந்த நடிகையாக 'சூரரைப் போற்று' படத்தில் நடித்த அபர்ணா பாலமுரளியும் தெரிவு செய்யப்பட்டுள்ளனர். சிறந்த பின்னணி இசைக்கான விருதிற்கு 'சூரரை போற்று' படத்திற்கு இசையமைத்த ஜீ வி பிரகாஷ் குமார் தேர்ந்தெடுக்கப்பட்டுள்ளார். அத்துடன் சிறந்த திரைக்கதைக்கான விருதிற்கும் சூர்யாவின் 'சூரரைப் போற்று' படத்திற்கு திரைக்கதை எழுதிய இயக்குநர் சுதா கொங்காரா தேர்ந்தெடுக்கப்பட்டிருக்கிறார். சிறந்த தமிழ் படமாகவும் 'சூரரைப் போற்று' தேர்வு செய்யப்பட்டுள்ளது.

சிறந்த படம், சிறந்த நடிகர், சிறந்த நடிகை, சிறந்த பின்னணி இசை, சிறந்த திரைக்கதை என ஐந்து தேசிய விருதுகளை சூர்யாவின் 'சூரரைப் போற்று' திரைப்படம் வென்றிருக்கிறது‌. இதனை அடுத்து மலையாளம், இந்தி, தெலுங்கு மற்றும் தமிழ் திரையுலகைச் சார்ந்த பலரும் நடிகர் சூர்யாவிற்கும், சூர்யாவின் 'சூரரைப் போற்று' பட குழுவினருக்கும் வாழ்த்து தெரிவித்து வருகிறார்கள். குறிப்பாக நடிகர்கள் மோகன்லால், மம்முட்டி, தனுஷ், அக்ஷய் குமார் உள்ளிட்ட ஏராளமான பிரபலங்கள் தங்களது வாழ்த்துக்களை சமூக வலைதளத்தில் பதிவிட்டிருக்கிறார்கள்.

'சூரரைப் போற்று' படத்திற்கு விருதுகள் கிடைத்திருப்பதால் மகிழ்ச்சி அடைந்து வாழ்த்தியவர்களுக்கு நன்றி தெரிவித்து நடிகை சூர்யா அறிக்கை வெளியிட்டிருக்கிறார்.

அந்த அறிக்கையில் தெரிவித்திருப்பதாவது... 

“ வணக்கம்.. அன்பான வாழ்த்துகளால் வாழ்வை நிறைக்கும் அனைவருக்கும் முதலில் என் மனமார்ந்த நன்றிகள்.. ‘சூரரைப் போற்று’ திரைப்படத்திற்கு   ’ஐந்து தேசிய விருதுகள்’ கிடைத்திருப்பது  பெருமகிழ்ச்சி அளிக்கிறது. பெருந்தொற்று காலத்தில் எதிர்பாராத நெருக்கடிகளுக்கு இடையில் வெளியான இத்திரைப்படத்திற்கு  இந்திய அளவில் வரவேற்பு கிடைத்தது. தன்னம்பிக்கை நிறைந்த கேப்டன் கோபிநாத் அவர்களின் வாழ்வைச் சிறந்த திரைப்படமாக்க பல ஆண்டுகள் உழைத்த, இயக்குநர் சுதா கொங்கரா அவர்களின் படைப்புத் திறனுக்குச் சிறந்த அங்கீகாரம் கிடைத்திருப்பதில் இரட்டிப்பு மகிழ்ச்சி. 

தேசியவிருது பெறுகிற சுதா கொங்கரா - ஷாலினி உஷாநாயர், ஜி.வி. பிரகாஷ், அபர்ணா பாலமுரளி,  இணைத் தயாரிப்பாளர் ராஜசேகர் கற்பூர சுந்தரபாண்டியன் உள்ளிட்ட அனைவருக்கும் நெஞ்சம் நிறைந்த பாராட்டுகள். சிறந்த திரைப்படத்தை தயாரிக்க துணைநின்ற படக்குழுவினர் அனைவருக்கும் இந்த அங்கீகாரம் உரியது.   மேலும், சிறந்த நடிகருக்கான தேசிய விருதை என்னுடன் பகிர்ந்து கொள்ளும் சகோதரர் அஜய் தேவ்கன் அவர்களுக்கும், மேலும் தேசிய விருது பெறுகிற இயக்குநர் வசந்த் சாய், ஸ்ரீகர் பிரசாத், லஷ்மி ப்ரியா சந்திரமௌலி, இயக்குநர் மடோன் அஸ்வின் மற்றும் 68-வது தேசியவிருது பெறுகிற சக கலைஞர்கள் அனைவருக்கும் வாழ்த்துகள். 

’நேருக்கு நேர்’ திரைப்படத்தில் என் மீது நம்பிக்கை வைத்து அறிமுகம் செய்த இயக்குநர் வசந்த் சாய் அவர்களுக்கும், தயாரிப்பாளர் இயக்குநர் மணிரத்னம் அவர்களுக்கும் இந்த தருணத்தில் நன்றிகளைத் தெரிவித்துக் கொள்கிறேன். அன்பும், வழிகாட்டலும் தந்து எப்போதும் துணைநிற்கும் அம்மா, அப்பா, கார்த்தி, பிருந்தா உள்ளிட்ட குடும்பத்தினருக்கும், ‘சூரரைப் போற்று’ திரைப்படத்தில் நடிக்கவும், தயாரிக்கவும் வலியுறுத்திய என் ஜோதிகாவிற்கும், அன்பு பிள்ளைகள் தியா, தேவ் ஆகியோருக்கும் இந்த விருதை அன்புடன் உரித்தாக்குகிறேன்..  

என் முயற்சிகளை வரவேற்று கொண்டாடும் மக்களுக்கும், என்னுடைய ஏற்றத் தாழ்வுகளில் எப்போதும் உடனிருக்கும் அன்பு தம்பி-தங்கைகளுக்கும் நெஞ்சம் நிறைந்த அன்பும்.. நன்றியும்.. இந்த தேசியவிருது அங்கீகாரம், நல்ல திரைப்படங்களில் தொடர்ந்து பணியாற்றும் ஊக்கத்தை அளிக்கிறது. தேர்வுக் குழுவினருக்கும், இந்திய அரசிற்கும் நெஞ்சம் நிறைந்த நன்றிகள். 

அன்பின் வாழ்த்துகளால் நெகிழச் செய்கிற அனைவருக்கும் மீண்டும் நன்றி..” என தெரிவித்துள்ளார். 

சூர்யாவின் ‘குரரைப்போற்று’ திரைப்படம் பட மாளிகையில் வெளியாகாமல் நேரடியாக டிஜ்ற்றல் தளத்தில் வெளியானது என்பதும், டிஜிற்றல் தளத்தில் வெளியாகியிருந்தாலும் இந்த திரைப்படம் ஐந்து தேசிய விருதுகளை வென்றிருப்பதற்கு நடிகர் சூர்யாவை திரையுலகினர் பாராட்டுகிறார்கள். அதிலும் இன்று நடிகர் சூர்யாவிற்கு பிறந்த நாள் என்பதால் அவருக்கு கிடைத்திருக்கும் இந்த தேசிய விருது சிறந்த பரிசு என்றும் வாழ்த்தி பாராட்டுகிறார்கள். 

முக்கிய செய்திகள்

icon-left
icon-right

தொடர்பான செய்திகள்

news-image

நடிகர் ரிச்சர்ட் ரிஷி நடிப்பில் உருவாகும்...

2025-02-12 17:05:51
news-image

நடிகர் தேவ் நடிக்கும் 'யோலோ' படத்தின்...

2025-02-12 17:06:14
news-image

நடிகர் ரியோ ராஜ் நடிக்கும் 'ஸ்வீட்ஹார்ட்'...

2025-02-12 17:05:29
news-image

எஸ்.ஏ.சந்திரசேகர் நடிக்கும் 'கூரன்' திரைப்படத்தின் வெளியீட்டுத்...

2025-02-12 16:50:42
news-image

தமிழ்நாட்டு விஞ்ஞானி ஜி.டி.நாயுடுவின் வாழ்க்கை வரலாறு...

2025-02-12 16:51:14
news-image

பிரைம் வீடியோவில் வெளியாகும் கதிர் -...

2025-02-12 16:22:53
news-image

தமிழ் திரையுலக பிரபலங்கள் இணைந்து வெளியிட்ட...

2025-02-12 15:59:29
news-image

யோகி பாபு நடித்திருக்கும் 'லெக் பீஸ்'...

2025-02-12 14:51:36
news-image

'காதல் என்பது பொதுவுடமை' படத்தின் இசை...

2025-02-11 22:33:07
news-image

சாதனை படைத்து வரும் நடிகர் பிரதீப்...

2025-02-11 17:30:29
news-image

விக்ரம் பிரபு நடிக்கும் புதிய படத்தின்...

2025-02-11 17:20:45
news-image

நடிகர் லியோ. சிவக்குமார் நடிக்கும் 'டெலிவரி...

2025-02-11 17:19:29