தவறவிடாதீர்கள்..!உடனே பதிவு செய்யுங்கள்

தமிழ் மக்கள் தேசிய கூட்டணி தனது ஆதரவை பதில் ஜனாதிபதி ரணில் விக்கிரமசிங்கவுக்கு வழங்குவதாக அக்கட்சியின் தலைவர் சி.வி.விக்னேஸ்வரன் தெரிவித்துள்ளார்.

இன்றையதினம் பாராளுமன்றில் இடைக்கால ஜனாதிபதி தெரிவிற்கான வாக்கெடுப்பு பாராளுமன்றில் இடம்பெறவுள்ளது.

ஜனாதிபதி தெரிவிற்காக பதில் ஜனாதிபதி ரணில் விக்கிரமசிங்கவும் பாராளுமன்ற உறுப்பினர் டலஸ் அழகப்பெருமவும் போட்டியிடுகின்றனர்.

இந்நிலையிலேயே தமிழ்த் தேசியக் கூட்டமைப்பு டலஸ் அழகப்பெருமவுக்கு ஆதரவை வழங்கியுள்ள நிலையில், தமிழ் மக்கள் தேசிய கூட்டணி தனது ஆதரவை பதில் ஜனாதிபதி ரணில் விக்கிரமசிங்கவுக்கு வழங்குவதாக அறிவித்துள்ளமை குறிப்பிடத்தக்கது.

இதேவேளை, தமிழ் மக்கள் சார்பில் 6 கோரிக்கைகள் அடங்கிய கடிதமொன்றை கடந்த 19 ஆம் திகதி செவ்வாய்க்கிழமை பதில் ஜனாதிபதியும் புதிய ஜனாதிபதி வேட்பாளருமான ரணில் விக்கிரமசிங்கவிடம்  விக்கினேஸ்வரன் கையளித்திருந்தமை குறிப்பிடத்தக்கது.