தவறவிடாதீர்கள்..!உடனே பதிவு செய்யுங்கள்

நடிகர் சாம் ஜோன்ஸ் கதையின் நாயகனாக நடித்து, தயாரித்திருக்கும் 'நதி' எனும் திரைப்படத்தின் முன்னோட்டம் வெளியிடப்பட்டிருக்கிறது.

அறிமுக இயக்குநர் தாமரை செல்வன் இயக்கத்தில் தயாராகி இருக்கும் முதல் திரைப்படம் 'நதி'. உண்மை சம்பவத்தை மையப்படுத்தி தயாராகி இருக்கும் இந்த திரைப்படத்தில் தயாரிப்பாளரும், நடிகருமான சாம் ஜோன்ஸ் கதையின் நாயகனாக நடித்திருக்கிறார்.

இவருக்கு ஜோடியாக நடிகை ஆனந்தி நடிக்க, இவர்களுடன் கரு பழனியப்பன், முனீஸ் காந்த், வடிவேல் முருகன், நடிகை மது ஸ்ரீ, எழுத்தாளர் வேலராமமூர்த்தி உள்ளிட்ட பலர் நடித்திருக்கிறார்கள்.

எம். எஸ். பிரபு ஒளிப்பதிவு செய்திருக்கும் இந்த திரைப்படத்திற்கு திபு நினன் தோமஸ் இசையமைத்திருக்கிறார்.

காதலுக்கு முக்கியத்துவம் கொடுக்கப்பட்டு, உருவாகி இருக்கும் இந்த ' நதி' திரைப்படத்தை மாஸ் சினிமாஸ் என்ற பட நிறுவனம் சார்பில் தயாரிப்பாளர் சாம் ஜோன்ஸ் தயாரித்திருக்கிறார்.

கொரோனா காரணமாக இப்படத்தின் பணிகளில் இடைநிறுத்தம் செய்யப்பட்டிருந்தது. தற்போது அனைத்து பணிகளும் நிறைவடைந்து, ஜூலை 22 ஆம் திகதியன்று வெளியாகிறது. இந்நிலையில் இந்த திரைப்படத்தின் முன்னோட்டம் வெளியிடப்பட்டிருக்கிறது.

முன்னோட்டத்தில் கல்லூரி காதலும், ஆணவ கொலை மற்றும் சாதிய முரண்பாடு போன்றவை இடம்பெற்று இருப்பதால் இளைய தலைமுறையினரை 'நதி' கவரும் என உறுதியாக சொல்லலாம்.