தவறவிடாதீர்கள்..!உடனே பதிவு செய்யுங்கள்

பிரதமரின் உத்தியோகபூர்வ வாசஸ்தலமான அலரி மாளிகைக்குள் இரு குழுக்களுக்கிடையில் ஏற்பட்ட மோதலில் குறைந்தது 10 பேர் காயமடைந்துள்ளனர்.

அலரி மாளிகையில் இடம்பெற்ற இந்த சம்பவத்தினால் காயமடைந்த பெண் ஒருவரின் கழுத்து வெட்டப்பட்டுள்ளதாக தெரிவிக்கப்படுகின்றது.

இச் சம்பவத்தில் கயமடைந்தவர்கள் கொழும்பு தேசிய வைத்தியசாலையில் சிகிச்சைக்காக அனுமதிக்கப்பட்டுள்ளனர். 

சிகிச்சை பெற்றவர்களில் இருவர் வீடு செல்ல அனுமதிக்கப்பட்டுள்ளனர்.

சம்பவத்தின் பின்னணி தொடர்பான தகவல்கள் வெளியாகாத நிலையில் சம்பவம் தொடர்பில் பொலிஸார் விசாரணைகளை மேற்கொண்டு வருகின்றனர்..

கடந்த 9 ஆம் திகதி சனிக்கிழமை அரசாங்கத்திற்கு எதிரான போராட்டக்காரர்களால் ஜனாதிபதி மாளிகை கைப்பற்றப்பட்ட பின் ஜனாதிபதி செயலகமும் அலரி மாளிகையும் அவர்களால் ஆக்கிரமிக்கப்பட்டிருந்தமை குறிப்பிடத்தக்கது.