தவறவிடாதீர்கள்..!உடனே பதிவு செய்யுங்கள்

 நாளை வீதிக்கு இறங்குங்கள். சர்வாதிகாரத்தை முறியடித்து  ஜனநாயகத்தை வெற்றி பெறச் செய்யுங்கள் என நாட்டு மக்களுக்கு எதிர்க்கட்சி தலைவர் சஜித் பிரேமதாச அழைப்பு விடுத்துள்ளார்.

நாளையதினம் அரசாங்கத்திற்கு எதிராக மக்கள் பெரும் போராட்டத்திற்கு தயாராகிக்கொண்டிருக்கும் வேளையில் பொலிஸ் ஊரடங்கு அமுல்படுத்தப்பட்டுள்ளது.

கொழும்பு வடக்கு, கொழும்பு தெற்கு , கொழும்பு மத்தி , நுகேகொட, களனி, நீர்கொழும்பு ஆகிய பொலிஸ் பிரிவுகளில் பொலிஸ் இன்று இரவு 9 மணி முதல் மறு அறிவித்தல் வரை அமுல் படுத்தப்பட்டுள்ளது.

இந்நிலையிலேயே பொலிஸ் ஊரடங்குச் சட்டம் ஒரு மோசடி.  இது சட்டவிரோதமானது.  நாளை வீதிக்கு இறங்குங்கள். சர்வாதிகாரத்தை முறியடித்து  ஜனநாயகத்தை வெற்றி பெறச் செய்யுங்கள்.  அது நம்மால் முடியும் என எதிர்க்கட்சி தலைவர் சஜித் பிரேமதாச மக்களுக்கு அழைப்பு விடுத்துள்ளார்.