பிரித்தானியாவில் வேகமாக பரவும் குரங்கு அம்மை தொற்று

By T. Saranya

29 Jun, 2022 | 12:41 PM
image

பிரத்தானியாவில் குரங்கு அம்மை தொற்றாளர்களின் எண்ணிக்கை ஆயிரத்தை கடந்துள்ளது.

பிரித்தானியாவில் இது வரை தொற்றுக்குள்ளாவர்களின் மொத்த எண்ணிக்கை  1,076 ஆத அதிகரித்துள்ளதாக  அந்நாட்டு சுகாதார பாதுகாப்பு நிறுவனம் தெரிவித்துள்ளது.

அதில்,  ஸ்கொட்லாந்தில் 27 பேரும்,  அயர்லாந்தில் 5 பேரும், வேல்ஸில் 9 பேரும், இங்கிலாந்தில் 1,035 பேரும்  அடங்குவர்.

உலக சுகாதார ஸ்தாபனத்தின் ஜூன் 17 அம் திகதிக்கு பிறகு வெளியான தரவுகளின் பின்னர் 1,310 புதிய தொற்றாளர்கள் பதிவாகியுள்ளனர். அதேவேளை 8 புதிய நாடுகளில் தொற்றுக்கள் பதிவாகியுள்ளன.

குரங்கு அம்மை நோய் பரவல் ஆரம்பித்ததிலிருந்து  உலகில் பதிவான மொத்த தொற்றாளர்களில் கிட்டத்தட்ட மூன்றில் ஒரு பங்கு பிரிட்டனில் இனங்காணப்பட்டுள்ளது.

உலகளாவிய ரீதியில் 50 நாடுகளில்  கடந்த ஜனவரி 1 ஆம் திகதி முதல் ஜூன் 22 ஆம் திகதி வரை 3,413 தொற்றாளர்கள் இனங்காணப்பட்டுள்ளனர்.  ஒருவர் உயிரிழந்துள்ளார்.

அதில் 2,933  தொற்றாளர்கள் ஐரோப்பிய பிராந்தியத்தில் பதிவாகியுள்ளனர் என உலக சுகாதார ஸ்தாபனம் தெரிவித்துள்ளது.

முக்கிய செய்திகள்

icon-left
icon-right