தவறவிடாதீர்கள்..!உடனே பதிவு செய்யுங்கள்

(எம்.எப்.எம் பஸீர்)

வத்தளை பொலிஸ் பிரிவிற்குட்பட்ட வதுவத்த மாபொலை பகுதியில் வீடொன்றில் இருந்து வெளிநாட்டு தயாரிப்பு துப்பாக்கிகள் ஐந்தினை பொலிஸார் கைப்பற்றியுள்ளனர்.

கிடைக்கப்பெற்ற தகவலொன்றுக்கு அமைவாக வத்தளை பொலிஸார் இருமாடிகளை கொண்ட வீடொன்றை சோதனை செய்த போது இந்த துப்பாக்கிகள் கைப்பற்றப்பட்டதாகவும், சந்தேகத்தின் பேரில் 59 வயதான  அவ்வீட்டில் வசித்த நபரை கைது செய்ததாகவும் பொலிஸ் ஊடாக பேச்சாளர் சிரேஷ்டபொலிஸ் அத்தியட்சகர் நிஹால் தல்துவ தெரிவித்தார்.

வெளிநாட்டு தயாரிப்பான இரட்டை குழல் தோட்டா துப்பாக்கிகள் இரண்டு, ஒற்றை குழல் துப்பாக்கி ஒன்று, பொய்ன்ட் 22 ரக துப்பாக்கிகள் இரண்டு இவ்வாறு கைப்பற்றப்பட்டுள்ளதாக பொலிஸ் ஊடகப்பேச்சாளர் தெரிவித்தார்.

சந்தேக நபர் தொடர்பில் மேலதிக விசாரணைகளை வத்தளை பொலிஸார் முன்னெடுக்கும் நிலையில் வெலிசறை நீதிமன்றில் அவரை ஆஜர் செய்ய பொலிஸார் நடவடிக்கை எடுத்துள்ளனர்.