காத்தான்குடியில் 8 இலட்சத்து 75 ஆயிரம் ரூபா பெறுமதியான ஹெரோயின் போதைப்பொருளுடன் ஒருவர் கைது

By Digital Desk 5

15 Jun, 2022 | 06:21 PM
image

காத்தான்குடி பிரதேசத்தில் 8 இலட்சத்து 75 ஆயிரம் ரூபா பெறுமதியான 25 கிராம் 250 மில்லிக்கிராம் ஹெரோயின் போதைப் பொருளுடன் பேதைப்பொருள் வியாபாரி ஒருவரை செவ்வாய்க்கிழமை (14) மாலை கைதுசெய்துள்ளதாக மாவட்ட குற்ற விசாரணைப் பிரிவு பொறுப்பதிகாரி பி.எஸ்.பி. பண்டார தெரிவித்தார்.

இராணுவ புலனாய்வு பிரிவுக்கு கிடைத்த தகவல் ஒன்றிற்கமைய சிரேஸ்ட பொலிஸ் அத்தியட்சகர் சுகத் மாசிங்கவின் ஆலோசனைக்கமைய குற்ற விசாரணைப் பிரிவு பொறுப்பதிகாரி பி.எஸ்.பி. பண்டார தலைமையிலான பொலிசார் சம்பவதினமான மாலை காத்தான்குடி கடற்கரை வீதியில் உள்ள ஹோட்டல் ஒன்றுக்கு அருகாமையில் வைத்து போதைப்பொருள் வியாபாரி ஒருவரை சுற்றிவளைத்து சோதனையிட்டபோது அவரிடமிருந்து இருந்து 8 இலட்சத்து 75 ஆயிரம் ரூபா பெறுமதியான 25 கிராம் 250 மில்லிக்கிராம் ஹெரோயின் போதைப்பொருளை மீட்டதுடன் அவரை கைது செய்தனர்.

குறித்த நபர் காத்தான்குடியைச் சேர்ந்தவர் எனவும் இவர்  நீண்ட காலமாக போதைபொருள் வியாபாரத்தில் ஈடுபட்டுவந்துள்ளதாகவும் கல்முனையில் இருந்து காத்தான்குடிக்கு வியாபாரத்துக்காக ஹெரோயினை எடுத்து கொண்டு வந்துள்ளதாகவும் பொலிசாரின் ஆரம்பகட்ட விசாரணையில் இருந்து தெரியவந்துள்ளது. 

இதில் கைதுசெய்யப்பட்டவரை நீதிமன்றில் ஆஜர்படுத்த நடவடிக்கை எடுக்கப்பட்டுள்ளதாக பொலிஸார் தெரிவித்தனர்.

முக்கிய செய்திகள்

icon-left
icon-right