தவறவிடாதீர்கள்..!உடனே பதிவு செய்யுங்கள்

கண்டி கலஹா, அருள்மிகு ஸ்ரீ முத்துமாரி அம்பாள் ஆலய வருடாந்த மகோற்சவ திருவிழா கடந்த 2 ஆம் திகதி வியாழக்கிழமை விநாயகர் வழிபாட்டுடன் ஆரம்பமானது.

10 ஆம் திகதி வெள்ளிக்கிழமை பாற்குடபவனி இடம்பெறுவதுடன் 11 ஆம் திகதி சனிக்கிழமை தேர்த்திருவிழா நடைபெற உள்ளது.

அன்றைய தினம் காலை 6.00 மணிக்கு 108 கலசாபிஷேகம் இடம்பெறுவதுடன் 9.00 மணிக்கு வசந்த மண்டப பூஜை இடம்பெற்று அருள்மிகு ஸ்ரீ முத்துமாரி அம்பாள் அலங்கார சித்திரத் தேரில் பரிவார முத்திகளான ஸ்ரீ விநாயகப் பெருமான், வள்ளி தேவசேனா சமேத முருகப் பெருமானுடன்  இணைந்து மங்கள வாத்தியங்கள் முழங்க தேரேறி வெளி வீதி உலா வருவார்.

 12 ஆம் திகதி காலை 9 மணியளவில் பிராயச்சித்த அபிஷேகமும் அதனைத் தொடர்ந்து மகேஸ்வர பூஜையும் மாலையில் மாவிளக்கு பூஜையும் மாலை 6.30க்கு தீச்சட்டி பவனியும் இடம்பெறவுள்ளன.

13 ஆம் திகதி திங்கட்கிழமை தீர்த்தோற்சவமும் 14ஆம் திகதி  செவ்வாய்க்கிழமை வைரவர் சாந்தி பூஜையும் இடம்பெறவுள்ளதாக அறிவிக்கப்பட்டுள்ளது.