தவறவிடாதீர்கள்..!உடனே பதிவு செய்யுங்கள்

(எம்.வை.எம். சியாம்)

மன்னார்- உயிலங்குளம் பகுதியில் மோட்டார் கார் ஒன்றில் பயணித்த ஐவர் உடல் நலக்குறைவினால் வைத்தியசாலையில் அனுமதிக்கப்பட்டு பின்னர் அதில் இருவர் சிகிச்சை பலனின்றி உயிரிழந்துள்ளனர். 

நேற்று (31) இந்த சம்பவம் இடம்பெற்றுள்ளதாக பொலிஸ் ஊடகப்பிரிவு தெரிவித்துள்ளது.

மன்னார் பொலிஸ் பிரிவுக்கு உட்பட்ட உயிலங்குளம் பகுதியில் மோட்டார் கார் ஒன்றில் பயணித்த 5 பேர் திடீர் உடல் நலக்குறைவினால் மன்னார்

வைத்தியசாலையில் அனுமதிக்கப்பட்டதோடு அதில் இருவர் சிகிச்சை பலனின்றி உயிரிழந்துள்ளார்கள்.

உயிரிழந்தவர்கள்  26 , 34  வயதுடைய தலைமன்னார் மற்றும் பேசாளை பிரதேசத்தைச் சேர்ந்தவர்களாவர். 

இந்நிலையில், சடலங்கள் மீதான பிரதே பரிசோதனை யாழ்ப்பாணம் போதனா வைத்தியசாலையில் இடம் பெற்றது.

குறித்த நபர்கள் இருவரும் அதிக அளவில் மது அருந்தி உள்ளதாகவும் மற்றும் அதிக போதைப்பொருள் பாவனையே  மரணத்திற்கான பிரதான  காரணம் என்றும் பொலிஸார் தெரிவித்துள்ளனர்.  

ஏனைய மூவரும் மன்னார் வைத்தியசாலையில் சிகிச்சை பெற்று வருகின்றனர். குறித்த சம்பவம் தொடர்பில் மன்னார் பொலிஸார் மேலதிக விசாரணைகளை முன்னெடுத்துள்ளனர்.