தவறவிடாதீர்கள்..!உடனே பதிவு செய்யுங்கள்

(எம்.எப்.எம்.பஸீர்)

ஜனாதிபதி கோட்டாபய ராஜபக்ஷ உள்ளிட்ட அரசாங்கத்தை பதவி விலகக்கோரி ஆர்ப்பாட்டத்தில்  ஈடுப்பட்டு வந்த எந்த கட்சியையும் சாராத அமைதி போராட்டக்காரர்கள் மீது ஆளும் கட்சி ஆதரவாளர்கள் மூர்க்கத்தனமாக நடத்திய தாக்குதல் தொடர்பில் மேலும் 6 சந்தேக நபர்கள் சி.ஐ.டி.யினரால் கைது செய்யப்பட்டுள்ளனர். 

அதன் படி, இதுவரை கைது செய்யப்பட்ட மொத்த சந்தேக நபர்களின் எண்ணிக்கை தற்போது 23 ஆக அதிகரித்துள்ளது.

நேற்று ( 31) சி.ஐ.டி.யினர் கைது செய்த சந்தேக நபர்களில்,  மொறட்டுவை நகர சபை தலைவரின் புதல்வர்,  அந்த நகர சபையின் 3 தொழிலாளர்கள்  கொழும்பு மாநகர சபையின் உறுப்பினர் ஒருவர் மற்றும் ஓய்வு பெற்ற 56 வயதான ஆசிரியை ஒருவர் உள்ளடங்குவதாக பொலிஸ்  பேச்சாளர் சிரேஷ்ட பொலிஸ் அத்தியட்சர் நிஹால் தல்துவ கூறினார்.

இந்த 6 பேரும் இன்று (1) கோட்டை நீதிமன்ரில் ஆஜர்ச் செய்யப்படவுள்ளனர்.

இதனிடையே, இந்த விவகாரத்தில் நேற்று முன்தினம் (30) சி.ஐ.டி.யினரால் கைது செய்யப்பட்ட பொரலஸ்கமுவ நகர சபை தலைவர்  அருன பிரியதர்ஷன நேற்று ( 31) கோட்டை நீதிமன்றில் ஆஜர் செய்யப்பட்டுள்ளார். 

இதன்போது அவரை இன்று ( 1) வரை விளக்கமறியலில் வைக்க நீதிமன்றம் உத்தரவிட்டுள்ளது.