தவறவிடாதீர்கள்..!உடனே பதிவு செய்யுங்கள்

காலி - பலப்பிட்டிய பிரதேசத்தில் பொலிஸ் உத்தியோகத்தர்களை தாக்க முற்பட்ட சந்தேகத்தின் பேரில் மூவர் கைது செய்யப்பட்டுள்ளதாக பொலிஸ் ஊடகப் பேச்சாளர் சிரேஷ்ட பொலிஸ் அத்தியட்சகர் நிஹால் தல்துவ தெரிவித்துள்ளார்.

பொலிஸ் ஊடகப் பேச்சாளர் சிரேஷ்ட பொலிஸ் அத்தியட்சகர் நிஹால் தல்துவ இது தொடர்பில் மேலும் தெரிவிக்கையில்,

மது போதையில் வீதியில் சென்ற வாகனங்கள் மீது மூவர் நேற்று (29) இரவு தாக்குதல் நடத்தி உள்ளார்கள். இதன் போது சம்பவ இடத்திற்கு வருகை தந்த பொலிஸ் உத்தியோகத்தர்களையும் தாக்க முற்பட்டதாகவும், நிலைமையை கட்டுப்படுத்த பொலிஸார் வானத்தை நோக்கி துப்பாக்கிச் சூடு நடத்தியதாகவும் குறிபிடப்பட்டுள்ளது.

சம்பவத்தில் பொலிஸ் உத்தியோகத்தர் ஒருவரும் சந்தேக நபர் ஒருவரும் காயமடைந்த நிலையில் வைத்தியசாலையில் அனுமதிக்கப்பட்டுள்ளனர்.

சம்பவம் தொடர்பில் பலபிட்டிய பொலிஸார் மேலதிக விசாரணைகளை முன்னெடுத்துள்ளதாக பொலிஸ் ஊடகப் பேச்சாளர் மேலும் தெரிவித்தார்.